On Tottaama Konngol

About On Tottaama Konngol

Ko taskaram yewtayɗo fii toɓɓe humondirɗe e kabaruuji fewndiiɗi. Faatumata Si Sawaane no toppitanoo on ndii njuɓɓudi, gila altine haa aljuma. Gila njamdi 13 silmaaji 10 haa njamndi 13 silmaaji 30 ; RFI FULFULDE tottan konngol heɗiyankooɓe mum. Ɓe holla miijooji maɓɓe e dow kaabaaruuji Afrik e winndere. Ko wakati mo fensitetee walla laɓintee e nder mum kumpite jaaliiɗe. Hiɗon waawi okkude miijo mon e toɓɓere yewteteende e dow mum. Hiɗon waawi kadi neldude lamndal ngal yiɗuɗon yo men jaabo. Noddee yewtiden e hoore teddungal. Hiɗon waawi kadi accude nulal ka tonngoode amen WhatsApp : +221766441280. Hiɗon waawi yiitude jewte ɗen fow ka hello amen facebook e ka Twitter : RFI FULFULDE

Publisher

RFI Fulfulde

Language

ff

Explicit

No

First episode

16 Sept 2024

Latest episode

10 Nov 2026

Latest episodes

497 episodes in the feed.

1. 

   10 Nov 2026

   Ko holno yiiruɗon caɗeele taskaaɗe e battane ngal pellital haɗungal golle oogirɗe ɗe ɗoftaaki sariya e nder Gine

   Hiɗen yewta hannde ko faati e alhaali asugol kaŋŋe ngol ɗoftaaki sariya e nder leyɗeele Afrik, wonndude e pellite ɗe laamuuji leyɗe ƴetti ngam haɗuɗe ɗee golle e nder oogirɗe ɗe ɗoftaaki sariya. Ñannde ɗiɗi lewru ndu wonɗen e mum, laamu Gine ƴettii pellital ngam haɗude asugol kaŋŋe ngol aldaa e sariya e wuro Siguiri, to rewo-fuɗnaange leydi ndii, nokku to asooɓe heewɓe ɓe sukaaɓe ɓe hellifaaka tawaa, jeyaaɓe e leyɗe keewɗe wano Burkina Faso, Mali, Koddiwaar, Ghana…  yaltinaa. Ɓawto mun ko ɓuri yimɓe ujunere, jeyaaɓe e leyɗeele seertuɗe, fawaama junngo.  Oo alhaali non addi ngoƴaaƴi, wonndude e haalullaaji keewɗi e nder leyɗeele ɗen, Ko holno yiiruɗon caɗeele taskaaɗe e battane ngal pellital haɗungal golle oogirɗe ɗe ɗoftaaki sariya e nder Gine ? E nder yontere wootere nden laamu Burkina Faso kaɗi artirii pellital maɓɓe haɗungal asugol kaŋŋe ngol rewaani laawol.

2. 

   9 Nov 2026

   Holno faamirɗon ngal pellital Cristiano Ronaldo dartingol fijangol diɗɗal leydi makko Portugal?

   Yeewtere men On Tottaama Konngol no nawra en hannde e banŋe Coftal-ɓalli.Cristiano Ronaldo anndinii yontere faltiinde pellital makko dartinde fijangol diɗɗal leydi makko. Oo kapiteen Seleçao, lollirɗo CR7, mo duuɓi 41 fellitii yaade fooftere caggal duuɓi 23 ɗi o fijani leydi makko. “Ɗum ko pellital muusngal ngal weeɓaani ƴettude, kono sahaa on hewtii yo mi fowto ngam sukaaɓe woɓɓe waawa heɓude darnde kañum kadi” Ko ɗum Cristiano Ronaldo holli e winndannde nde o waɗi e dow mejaare makko renndo instagram.

3. 

   5 Nov 2026

   Ko holno yiiruɗon nguu polgu fedde Demokaratnaaɓe e ɗii suɓngooji feccere happu Donald Trump?

   Hannde alkamisa yewtere men no nawra en Dawlaaji Ndentuɗi Amerik, ngam taskaade ko yowitii e alhaali suɓngooji feƴƴere manndaa hooreejo leydi Donald Trump, no wi’ee “midterms” yuɓɓinaaɗi e talaata ngam ɓiɓɓe Amerik waawa suɓaade wonayɓe ka Senat, ka congrès. Tuugnaade e njaltudi lollinaaɗi ɗii ko fedde Democrate ‘en lumdiide laamu woni ko fooli e nder diiwe  keewɗe Dawlaaji Ndentuɗi Amerik, ɗen ko wano Caroline: senngo rewo e worgo,  Hayyo, Texas, Florida e diiwe goɗɗe e goɗɗe. Ko holno yiiruɗon nguu polgu fedde Demokaratnaaɓe e ɗii suɓngooji feccere happu Donald Trump? Ko holno faamirɗo ko oo hooreejo Dawlaaji Ndentuɗi Amerik e fedde mun politik foolaaa koo e ɗee woote? Ko holɗum ɗum ɗoo arata e battinnde e laamu Donald Trump e nder duuɓi ɗiɗi heddaniiɗi mo nde tawi ko  Demokaratnaaɓeɓeen ardotoo jooni ɗii cuuɗi ɗiɗi, toppitiiɗi golle depiteeɓe.

Contact On Tottaama Konngol

Guest appearances

Does not typically book guests

Based on episode analysis; this does not confirm that the show is currently accepting guests.

Questions about On Tottaama Konngol