Den offizielle Podcast vum Institut national des langues Luxembourg. All Woch publizéiere mir nei interessant Episdoen, fir Lëtzebuergesch ze léieren.
Poterkëscht vum INLL
Claim This Podcastby Poterkëscht
5.0(80 reviews)
206 episodes
Updated Daily
Accepts GuestsHas SponsorsLocation 🇱🇺
Podcast Overview
Den offizielle Podcast vum Institut national des langues Luxembourg. All Woch publizéiere mir nei interessant Episdoen, fir Lëtzebuergesch ze léieren.
Language
🇱🇧
Publishing Since
2/19/2024
1 verified contact email on file for Poterkëscht vum INLL
Pitch yourself as a guest, propose sponsorships, or reach out directly to the host.
Recent Episodes
July 29, 2026
Tipps an der Hëtztwell (A2)
<p>Wëllkomm zréck an der Poterkëscht! Haut schwätze mir mat iech iwwert de Phenomen vun der Hëtztwell. Vill Spaass beim Nolauschteren!</p><p>-</p><p>Transkript:</p><p>Tipps an der Hëtztwell </p><p>A: Salut Pol, du bass awer scho fréi ënnerwee ! </p><p>B : Moien Aurélie ! Jo, ech gi séier e puer Saachen akafen, éier déi déck Hëtzt kënnt. </p><p>A: Dat ass gutt! Et sinn elo scho bal 30 Grad, an et ass eréischt 9 Auer! </p><p>B: Du hues Recht. D’Hëtztwell dauert elo schonn eng Woch. Et ass wierklech ustrengend. </p><p>A: Jo, immens. Ech schlofen esou schlecht. Nuets ass et vill ze waarm am Schlofzëmmer. </p><p>B: Dat kennen ech. Dofir maachen ech owes all d’Fënsteren am Haus op. Dat hëlleft e bëssen. </p><p>A: Ech maachen dat och. Mee dagsiwwer bleiwen all d’Fënstere bei mir zou. </p><p>B: Wierklech? Firwat? </p><p>A: Ma, datt déi waarm Loft dobausse bleift. Wann d’Rollluede ganz erof sinn, bleift d’Wunneng méi kill. </p><p>B: Ok, dat stëmmt och erëm. </p><p>A: An ech hunn e Ventilator. Deen hëlleft och. </p><p>B: Ech hu kee Ventilator méi am Buttek kritt. Et ass zënter e puer Deeg iwwerall „Rupture de stock‘‘. Mee dofir hunn ech eng kleng mobil Klimaanlag vu mengen Eltere geléint, déi hëlleft e bëssen, mee just a klengen Zëmmere wéi am Büro. </p><p>A: Dat ass dach gutt! Drénks du och genuch? </p><p>B: Jo, natierlech. Ech drénken op d’mannst zwee Liter Waasser den Dag, heiansdo och méi. </p><p>A: Ech vergiessen dat heiansdo, mee dofir stellen ech mir dës Deeg ëmmer eng grouss Fläsch Wasser op den Dësch. </p><p>B: Dat ass eng gutt Strategie. Ech drénke wann et esou waarm ass och gär Kaffi – kal a mat Äis, natierlech! </p><p>A: Ech drénke léiwer Téi. Ech kachen en owes, loossen en ofkillen a stellen en dann iwwer Nuecht an de Frigo. Moies ass mäi kalen Téi prett, fir ze drénken. </p><p>B: Dat muss ech och emol testen. A wat ëss du an där Hëtzt? Ech hunn net vill Honger, wann et esou waarm ass. </p><p>A: Ech och net. Mee ech iesse vill Uebst – Waassermeloun, Äerdbier, Drauwen – dat ass liicht an huet och vill Waasser! </p><p>B: Dat ass richteg! Ech iessen den Ament moies e bësse méi, an dofir mëttes just eppes Klenges, wéi e puer Stécker Meloun oder eng Zalot aus Kornischongen an Tomaten. </p><p>A: Mmh, dat kléngt gutt! Ech maachen et och esou änlech. Owes iessen ech dann erëm e bësse méi, mee eréischt no 20 Auer, wann et net méi esou waarm ass. </p><p>B: A wéi méchs du et mat dengem Hond? Gees du bei deem Wieder vill spadséieren ? </p><p>A : Nee, guer net. Mir gi moies um 7 Auer an owes um 21 Auer spadséieren, an dotëscht loossen ech hie just kuerz op d’Wiss, fir datt hie säi Geschäft maache kann. Et muss een oppassen, wann een an därHëtzt mat Hënn eraus geet. Wann et iwwer 30 Grad sinn, huet de Buedem oft iwwer 50 Grad, an d’Hënn kënne sech hir Patte verbrennen! </p><p>B: O mei, dat wousst ech net, mee dat mécht Sënn. Ech ginn och heiansdo owes spadséieren, mee wéi s du sees, eréischt no 21 Auer. Virdrun ass et nach ze waarm. </p><p>A: A wéini gees du lafen? </p><p>B: Jo, dat ass de Moment och net esou einfach. Ech gi léiwer moies wéi owes lafen. Dofir stinn ech e bësse méi fréi op. Um 7 Auer geet et meeschtens nach. </p><p>A: Ech gi muer schwammen. Dat ass herrlech bei deem Wieder. </p><p>B: O, flott! Wuer gees du dann an d’Schwämm? </p><p>A: Op Gréiwemaacher. Do gëtt et eng oppe Schwämm fir Kanner mat enger Rutschban, awer och e Baseng fir Leit, déi richteg schwamme wëllen. Owes ass et do immens! </p><p>B: Jo, dat gleewen ech. Vläicht ginn ech de Weekend mat de Kanner dohin. Mee et wäerte bestëmmt vill Leit do sinn. </p><p>A: Jo. Et ass besser, du gees géint der Owend, also no 17 Auer. Dann ass net esou vill lass. </p><p>B: Merci fir den Tipp! </p><p>A: Gär! A so Bescheed, wann s de gees – vläicht gesi mer eis! </p><p>B: Maachen ech! </p>
July 15, 2026
Nohalteg Reesen (A2-B1)
<p>Wëllkomm zréck an der Poterkëscht!</p><p>-</p><p>Transkript:</p><p>A: Hues du scho Pläng fir de Summer? </p><p>B: Jo, ech fuere mam Zuch an Italien. </p><p>A: Mam Zuch? Dat dauert dach éiweg! </p><p>B: Jo, du hues Recht, et dauert natierlech méi laang wéi ze fléien. Mee ech wollt dëse Summer méi nohalteg reesen. </p><p>A: Dat héiert een an der leschter Zäit méi oft. Wat heescht dat da genee fir dech, nohalteg ze reesen? </p><p>B: Fir mech ass et wichteg, d’Ëmwelt esou mann wéi méiglech ze belaaschten. Dofir probéieren ech, manner ze fléien a méi op den ëffentlechen Transport zréckzegräifen. </p><p>A: Dat kléngt verstänneg. Mee heiansdo ass e Fluch vill méi bëlleg wéi en Zuchbilljee! </p><p>B: Leider ass dat wouer. Dat fannnen ech och e bësse paradox. </p><p>A: D’lescht Joer sinn ech fir 40 € a Spuenie geflunn. Fir dee sewlechte Präis wier ech emol net bis a Frankräich komm. </p><p>B: Dat ass e seriöe Problem. Vill Leit géife gär méi ëmweltbewosst reesen, wann et net esou deier wier. </p><p>A: Warscheinlech. Anerersäits verstinn ech och d’Leit, déi nëmmen eng Woch an d’Vakanz fueren a keng Loscht hunn, zwanzeg Stonnen am Zuch ze verléieren. </p><p>B: Jo, dat kann ech novollzéien. Zäit spillt natierlech och eng Roll. </p><p>A: Wéi bass du eigentlech op d’Iddi komm, nohalteg ze reesen? </p><p>B: Viru Kuerzem hunn ech en Dokumentarfilm iwwer de Klimawandel gekuckt. Duerno hunn ech ugefaang, iwwer mäin eege CO2-Emissiounen nozedenken. </p><p>A: An zanterhier flitts du guer net méi? </p><p>B: Dach, heiansdo schonn. Mee definitiv manner wéi virdrun. Ech versichen einfach, méi bewosst z’entscheeden, wéi ech reesen. </p><p>A: Dat fannen ech e gudden Usaz. Vill Leit mengen, et misst een direkt alles perfekt maachen. </p><p>B: Jo, an dat muss ee jo net. Kleng Verännerunge maachen heiansdo scho vill aus. </p><p>A: Wou waars du da fir d’lescht an der Vakanz. </p><p>B: An Éisterräich. </p><p>A: A wéi war et? </p><p>B: Ganz flott! Et muss een net ëmmer wäit reesen, fir eppes Spezielles z’erliewen. D’Landschaft war immens schéin, an d’Rees mam Zuch war vill méi entspaant wéi e Fluch. </p><p>A: Wierklech? Ech fannen et ustrengend, mam Zuch ze reesen. Et weess een ni, ob en Zuch Verspéidung huet, a wann ee Pech huet, verpasst ee säin Uschloss. </p><p>B: Jo, mee mam Fléien ass et net anescht. Wann emol e Streik ass, falen dacks vill Flich aus. </p><p>A: Dat stëmmt och alt nees. Wéi kriss du d’Zäit am Zuch dann ëm? </p><p>B: Et kënnt drop un. Ech liesen, lauschtere Musek a kucken d’Landschaft. </p><p>A: Kléngt relax. </p><p>B: Jo, ass et och. Ausserdeem ass mir och opgefall, datt vill Leit an der Vakanz souwisou ëmmer dat selwecht maachen. An dofir muss een net wäit fléien. </p><p>A: Wéi mengs de dat? </p><p>B: Ma, vill Leit fléie bis op dat anert Enn vun der Welt, a verbréngen dann awer de gréissten Deel vun hirer Vakanz an der Schwämm vum Hotel. </p><p>A: Haha, do hues de Recht. Dat ass wierklech oft esou. </p><p>B: Jo, an dofir muss een net onbedéngt zwielef Stonnen am Fliger sëtzen. </p><p>A: Ech mengen, fir vill Leit ass et eng Manéier, dem Alldag z’entkommen. </p><p>B: Jo, mee dat kann een awer och méi no vu sengem Doheem maachen. </p><p>A: Ech well awer trotzdeem eng Kéier a Japan fléien. </p><p>B: Ech och! </p><p>A: Do gëtt et awer schwéier, nohalteg ze reesen… </p><p>B: Net onbedéngt. Ech fannen, et kann een och wait reesen, wann een e bëssen oppasst. </p><p>A: Wéi mengs de dat? </p><p>B : Et muss ee jo net all Joer eng Fernrees maachen. Wann ee sech eemol am Liewen e speziellen Dram erfëllt, ass dat eng aner Saach. </p><p>A : Jo, dat kléngt fair. </p><p>B : An op der Plaz selwer kann een och ëmweltbewosst handelen, an deem een zum Beispill a lokal Restauranten iesse geet, den ëffentlechen Transport benotzt oder kleng Hoteller ënnerstëtzt. </p><p>A: Dat ass wouer. Ech mengen, hautdesdaags denken d’Leit e bësse méi iwwer d’Auswierkunge vun hirem Reesen no. Fënns de net? </p><p>B: Dach, deen Androck hunn ech och. </p><p>A: Vläicht ass et an e puer Joer jo ganz normal, mam Zuch ze fueren. A vläicht gëtt et dann och méi bëlleg. </p><p>B: Dat wier mäin Dram! </p><p>A: Da kanns du och méi oft an Italie goen. </p><p>B: Genee. An iergendwann packen ech et vläicht och bis op Sizilie mam Zuch! </p>
July 13, 2026
Beruffer: Informatiker/Informatikerin (B1)
<p>Wëllkomm zréck an der Poterkëscht!</p><p>Haut héiere mir, wéi eng Persoun eis vun hirem Beruff als Informatikerin erzielt.</p><p>Vill Spass beim Nolauschteren!</p><p>-</p><p>Den Transkript fir dësen Episod fannt dir hei (<a href="https://learningspace.inll.lu/course/view.php?id=5497" target="_blank" rel="ugc noopener noreferrer">klick</a>!). Dir braucht kee Kont klickt einfach op ''access as guest''.</p>
206 total episodes available
Similar Podcasts
Discover related shows you might enjoy
Luxembourgish with Anne PODCAST
Luxembourgish with Anne
RTL - Sproochmates
RTL Radio Lëtzebuerg
Easy Luxembourgish
Anne Beffort
Firwaaat? - De Kannerpodcast
RTL Radio Lëtzebuerg
News in Slow Luxembourgish
Melusina Media
LEGEND
Guillaume Pley
Mon empire
Choses à Savoir
Lachlabor - Lustiges Wissen für Kinder zum Miträtseln
Bayerischer Rundfunk
Les Grosses Têtes
RTL
Affaires sensibles
France Inter
Gemischtes Hack
Felix Lobrecht & Tommi Schmitt
L’Heure du Monde
Le Monde
RTL - Journal
RTL Radio Lëtzebuerg
Le 18/20 : un jour dans le monde
France Inter
Handelsblatt Today - Der Finanzpodcast mit News zu Börse, Aktien und Geldanlage
Solveig Gode, Nicole Bastian, Sandra Groeneveld, Nele Dohmen, Anis Mičijević, Ben Mendelson, Aileen Bunte
Deep-dive analytics for Poterkëscht vum INLL
Frequently asked questions
Have a different question and can't find the answer you're looking for? Reach out to our support team by sending us an email and we'll get back to you as soon as we can.
- What is Poterkëscht vum INLL?
- How often does this podcast release new episodes?
This podcast updates daily.
- Where can I listen to this podcast?
This podcast is available on 7 platforms including Apple Podcasts, Spotify, and more. You can also use the RSS feed directly.
- Does this podcast accept guests?
Yes, this podcast regularly features guests.
Legal Disclaimer
Pod Engine is not affiliated with, endorsed by, or officially connected with any of the podcasts displayed on this platform. We operate independently as a podcast discovery and analytics service.
All podcast artwork, thumbnails, and content displayed on this page are the property of their respective owners and are protected by applicable copyright laws. This includes, but is not limited to, podcast cover art, episode artwork, show descriptions, episode titles, transcripts, audio snippets, and any other content originating from the podcast creators or their licensors.
We display this content under fair use principles and/or implied license for the purpose of podcast discovery, information, and commentary. We make no claim of ownership over any podcast content, artwork, or related materials shown on this platform. All trademarks, service marks, and trade names are the property of their respective owners.
While we strive to ensure all content usage is properly authorized, if you are a rights holder and believe your content is being used inappropriately or without proper authorization, please contact us immediately at hey@podengine.ai for prompt review and appropriate action, which may include content removal or proper attribution.
By accessing and using this platform, you acknowledge and agree to respect all applicable copyright laws and intellectual property rights of content owners. Any unauthorized reproduction, distribution, or commercial use of the content displayed on this platform is strictly prohibited.