Quis fuit Thales et cur eum titulo "primi philosophi" quidam induerunt?
25 Mar 2021
Inter Ciceronem et Senecam de natura dissensio
Faber et Augustus opiniones duas, alteram Ciceronis alteram Senecae, de naturae largitate quae eadem omnibus non est comparant et rogant utrum inter se congruant necne. Cur nobis est terra parca sed bestiis ceteris liberalis larga ferax?
"Nos vero," ait Cicero [de finibus 2.111 (https://latin.packhum.org/loc/474/48/54/883-925@1#54)], "siquidem in voluptate sunt omnia, longe multumque superamur a bestiis, quibus ipsa terra fundit ex sese pastus varios atque abundantes nihil laborantibus, nobis autem aut vix aut ne vix quidem suppetunt multo labore quaerentibus. nec tamen ullo modo summum pecudis bonum et hominis idem mihi videri potest. quid enim tanto opus est instrumento in optimis artibus comparandis?"
Sed contra Seneca [dialogus 12.11.1 (https://latin.packhum.org/loc/1017/12/215/220-287@1#215)] "nihil homini natura quod necessarium faciebat fecit operosum."
17 Feb 2021
De moriendi desiderio
***Iterum hoc colloquio tractatur mors de qua rogatur utrum sapientis sit mori desiderare an satius sit dicere qui mori desideret semper malum desiderare?
10 Feb 2021
De desiderio (2)**
**AUDITURO/AE CAVENDUM**: in colloquio hoc – secundo de desiderio habito – de moriendi desiderio disputatio brevis habetur.
Colloquium de naturae desideriis quae et quales sint.
Senecae placitum quod tractamus – "nihil homini natura quod necessarium faciebat fecit operosum" – in contextu legi potest hic: https://latin.packhum.org/loc/1017/12/215/220-287@1#215
12 Jan 2021
De desiderio (1)
Quid sibi velit "desiderium" vel potius quid hoc verbo significemus Augustus et Faber discutere incipiunt.
4 Jan 2021
De difficili Christi consolatione (pars II)
Loci hoc in colloquio tractati:
Hieronymus ad Heliodorum (http://mlat.uzh.ch/MLS/xfromcc.php?tabelle=Hieronymus_Stridonensis_cps2&rumpfid=Hieronymus_Stridonensis_cps2,%20Epistolae,%20%2060,%20%20%202&id=Hieronymus_Stridonensis_cps2,%20Epistolae,%20%2060,%20%20%202,%20%20%20%20%20%201&level=99&level9798=&satz=1&hilite_id=Hieronymus_Stridonensis_cps2,%20Epistolae,%20%2060,%20%20%202,%20%20%20%20%20%201&string=quid!igitur!faciam&binary=&corpus=&target=&lang=0&home=&von=suchergebnis&hide_apparatus=1&inframe=1&jumpto=1#1)
de puella dormienti: Evangelium s. Matt: 9.25 (https://www.stepbible.org/?q=version=VulgJ|reference=Matt.9&options=HVLGUN)
de Lazaro: Evangelium s. Ioh: 11.1-44 (https://www.stepbible.org/?q=version=VulgJ|reference=John.11&options=LVHGUN)
28 Dec 2020
Estne consolatio Christi?
Estne consolatio Christi quae differt ab consolatione philosophiae? Augustus et Faber inquisitioni – an consolationes inter se differant – operam dant verba Pauli ad Thessalonicenses tractando:
"nolumus autem vos ignorare fratres de dormientibus ut non contristemini sicut et ceteri qui spem non habent. si enim credimus quod Iesus mortuus est et resurrexit, ita et Deus eos qui dormierunt per Iesum adducet cum eo. hoc enim vobis dicimus in verbo Domini quia nos qui vivimus, qui residui sumus in adventum Domini, non praeveniemus eos qui dormierunt, quoniam ipse Dominus in iussu et in voce archangeli et in tuba Dei descendet de caelo, et mortui, qui in Christo sunt, resurgent primi, deinde nos, qui vivimus, qui relinquimur, simul rapiemur cum illis in nubibus obviam Domino in aera, et sic semper cum Domino erimus. itaque consolamini invicem in verbis istis." (1 Thess 4.13-18 (https://www.stepbible.org/?q=reference=1Thess.4|version=VulgJ&options=GVHNU))
21 Dec 2020
Quid sit consolatio?
Paucis colloquiis iam habitis de Boethii opere de Philosophiae Consolatione, manifestum est (nobis saltem) rimandum esse quidnam sit consolatio. Multum Augustus consolationis dixit se invenisse in carmine Horatii ubi Faber autem nil huius generis vidit, cui aliud est consolari velle aliud alicunde sua sponte solacium accipere. Quid igitur sit haec res quam consolationem appellamus?
15 Dec 2020
Immortalia ne speres
Philosophia Boethii docet nobis cavendum esse a Musis scaenicis quae nos aegros dulcibus alant venenis et morbo cuidam assuefaciant. Sunt autem poetae, ut Horatius, qui nos carminibus consolantur de vita humana. Ecquid nos homines naturā morti obnoxios consolari possit? quidsi mors ipsa consolatio ut Boethius in carmine primo docere videtur? Infra legi potest carmen Horatii de quo in hoc episidio colloquimur:
4.VII
Diffugere nives, redeunt iam gramina campis
arboribusque comae;
mutat terra vices et decrescentia ripas
flumina praetereunt;
Gratia cum Nymphis geminisque sororibus audet 5
ducere nuda choros.
Inmortalia ne speres, monet annus et almum
quae rapit hora diem.
Frigora mitescunt Zephyris, ver proterit aestas,
interitura simul 10
pomifer autumnus fruges effuderit, et mox
bruma recurrit iners.
Damna tamen celeres reparant caelestia lunae:
nos ubi decidimus
quo pater Aeneas, quo dives Tullus et Ancus, 15
puluis et umbra sumus.
Quis scit an adiciant hodiernae crastina summae
tempora di superi?
Cuncta manus avidas fugient heredis, amico
quae dederis animo. 20
Cum semel occideris et de te splendida Minos
fecerit arbitria,
non, Torquate, genus, non te facundia, non te
restituet pietas;
infernis neque enim tenebris Diana pudicum 25
liberat Hippolytum,
nec Lethaea valet Theseus abrumpere caro
vincula Pirithoo.
7 Dec 2020
Philosophia contra Musas Poeticas (De consolatione phil. pars II)
Faber et Augustus de Philosophiae adventu colloqui pergunt.
Philosophia ubi poeticas Musas vidit nostro assistentes toro fletibusque meis verba dictantes, commota paulisper ac torvis inflammata luminibus: "Quis," inquit, "has scaenicas meretriculas ad hunc aegrum permisit accedere, quae dolores eius non modo nullis remediis foverent, verum dulcibus insuper alerent venenis? Hae sunt enim quae infructuosis affectuum spinis uberem fructibus rationis segetem necant hominumque mentes assuefaciunt morbo, non liberant."
30 Nov 2020
5. De Consolatione Philosophiae (I)
Augustus et Faber de Philosophia quo aspectu et qua facie Boethio apparuerit disserunt. Textus (http://www.hs-augsburg.de/~harsch/Chronologia/Lspost06/Boethius/boe_con1.html) tractatus indidem unde textus proximi episodii depromptus est.
23 Nov 2020
4. De Boethio
Quis fuerit Boethius, quando floruerit, et quae opera reliquerit?
Textus cuius recitatione Augustus episodium incipit hic (http://www.hs-augsburg.de/~harsch/Chronologia/Lspost06/Boethius/boe_con1.html) invenitur.
16 Nov 2020
de animo
Plura invenies in pagina quinphilosophemur.com (https://quinphilosophemur.com/season-1)
9 Nov 2020
de cupiditate discendi
Episodium secundum de cupiditate discendi agitur qua interdum omnes impedimur.
Senecae verba ab Epistula 108 (https://latin.packhum.org/search?q=cupiditas+discendi) excerpta sunt.
"Bonum tantum habe animum: capies quantum voles. Quo plus recipit animus, hoc se magis laxat."
31 Oct 2020
Quid est philosophia?
It's hard to know where to begin -- so we've started from the word itself.
For texts and supplemental readings, see episodium I at https://quinphilosophemur.com/season-1
Reach and audience
Public platform figures. Ratings count people who left a rating, not total listeners.
Apple Podcasts (US)
4.9 / 5
8 ratings
Spotify
5.0 / 5
1 ratings
Contact Quin Philosophemur
Guest appearances
Does not typically book guests
Based on episode analysis; this does not confirm that the show is currently accepting guests.
Host of Quin Philosophemur?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
