رفقة طريق معكن لرحلة مليانة حب وسلام وكلام من القلب للقلب
خلوكن معي عالسمع ببودكاست اسبوعي كل يوم اثنين الساعة خمسة المسا بتوقيت الإمارات على قناة رفقة طريق لنحكي بمواضيع منوعة بتهم الصبايا ندعم بعض، نفضفض لبعض لنعيش حياة اكثر فرح وإنجاز وصحة
لما كنت بالعشرينات مثلك هلا فيه شغلات كثير ما عشتها مزبوط
شغلات تانية زعلتني وقهرتني اكتشفت بعدين انها ما كانت مستاهلة وانها صارت لخيري
وبعد ما مرقت العشرينات بحلاوتها وحيرتها كنت دايما قول لو حدا خبرني شو اعمل وكيف اتصرف يمكن كانت مساحة
الضحكة عندي غطت كتير على مساحة الدمعة
لهيك بعد ما قربت من الاربعين ما بدي ياك تقولي لو رح خبرك عن كل شي عشته وجربته واستنتجته عن هديك المرحلة كيف تعيشيها لاقصاها تفرحي، تتعلمي، تجربي وتغامري وما تزعلي على شي ،تلحقي قلبك وإحساسك بكل خطوة ويكون رضاك عن حالك قبل رضا كل الناس عنك.
اسمعي الحلقة لتعرفي تفاصيل اكتر وانشالله تكون مساحة الضحكة والذكريات الحلوة كبيرة كتير بعشريناتك.
14 Jul 2021
عن المتعة والسعادة
كم مرة بحياتكن توقعتو جرعة كبيرة من السعادة من شيء انتظرتو كثير لتحصلو عليه ولما حصلتو عليه خلصت بهجته
بأقل من شهر وما عطاكن السعادة المطلوبة؟
وكم مرة خلاكن عطاءكن وتعاونكن مع الناس تحسو بسعادة مالها حدود ولفترة طويلة؟
بكثير أوقات بتختلط علينا مشاعر المتعة والسعادة وما منقدر نميز بيناتن
بالحلقة الثانية عشر من رفقة طريق عن المتعة والسعادة رح نكتشف أهم الفروقات والمسببات لكل وحدة منهن اللي بتوصل حتى لكيمياء الدماغ والهرمونات اللي بيصنعها
وكيف فينا نتجنب الخيبات لما نفرق الشعورين عن بعض وما نربط سعادتنا بأي مادة أو إنسان
بتمنى تلاقو بالحلقة كل المتعة والفائدة
11 Jan 2021
مهارات لسلامك الداخلي
مهارات لسلامك الداخلي عنوان الحلقة الحادية عشر من رفقة طريق
رح نشوف فيها كيف التغاضي والتسامح وتغيير ردود أفعالك الدفاعية على تصرفات اللي حواليك بيضمن سلامة وراحة بالك وخفة بقلبك وروحك
كيف لما بتبدلي توقعاتك من الناس بالرضا والامتنان عن حالك عالمك رح يتغير بلحظة
ولما بتعطي من قلبك بدون انتظار مقابل لعطاءك رح تعوضك الدنيا اضعاف وتلاقي الخير وين ما رحت
اسمعو الحلقة لتعرفو تفاصيل وامثلة اكثر بتمنى تنال اعجابكم
28 Dec 2020
العيد والاحتفال
الحلقة العاشرة من رفقة طريق مستوحاة من اجواء الاعياد بنهاية السنة بعنوان العيد والاحتفال
رح نشوف فيها أنه مو بالضرورة أبدا نستنى العيد لنحتفل ونحس بالبهجة فينا نعتبر أي يوم أو لحظة سعادة عيد بحياتنا
وأنه العيد ماله قانون أو دستور لازم نمشي عليه بكل سنة وممنوع يتغير، منقدر دايما نخلق بهجة جديدة للعيد حسب الظروف والامكانات المتاحة وما نضل نقارن الاعياد ببعضها ونزعل ونتحسر
اسمعو الحلقة لتعرفو تفاصيل أكثر وانشالله تكون أيامكن كلها احتفالات وأعياد وكل عام وانتو بالف خير
21 Dec 2020
ثقة بالنفس أو غرور
الحلقة التاسعة من رفقة طريق بعنوان ثقة بالنفس أو غرور
رح نشوف فيها التغيير الكبير اللي بتعمله ثقتك بنفسك وتقديرك لحالك على كل شي بحياتك زواج،عمل، تحقيق أحلام وغيره
وأنه الواثق من نفسه أبعد ما يكون عن المغرور والمتعجرف
وكيف لما بتتنازلي مرة رح تكملي حياتك بسلسلة تنازلات مالها نهاية..
اسمعو الحلقة لتعرفو تفاصيل أكثر
بتمنى تنال أعجابكم وتفيدكم
14 Dec 2020
حصاد آخر السنة
حصاد آخر السنة هو عنوان الحلقة الثامنة من رفقة طريق
رح نشوف فيها شو المعايير اللي على أساسها منصنف كل سنة بحياتنا وليش منعمم حدث واحد على السنة كلها
..ومنضل نقارن السنين ببعضها
..ويا ترى التغيير اللي منستناه من سنة لسنة بحياتنا وأحوالنا نحن ولا السنين مسؤولين عنه
اسمعو الحلقة لتعرفو تفاصيل أكثر وطرق لترتيب حساباتكن والتخطيط للسنة الجديدة
بتمنى الحلقة تنال إعجابكن
7 Dec 2020
كل شي ممكن.. ليش لأ؟
الحلقة السابعة من رفقة طريق بعنوان كلشي ممكن.. ليش لا؟
..رح نشوف فيها مقومات الانسان الناجح والمؤثر بحياته وحياة اللي حواليه
..كيف بتغيير طريقة تفكيرنا وتصنيفنا لحالنا منغير وضعنا بالحاضر والمستقبل
..كيف ضروري نفكر بالاشياء اللي بدنا هي بدل اللي منخاف منها ومنكرهها
..اسمعو الحلقة لتعرفو تفاصيل أكثر
بتمنى الحلقة تنال إعجابكم
30 Nov 2020
لحظات تخطف الانفاس
إذا فكرنا بحياتنا منلاقيها عبارة عن مجموعة لحظات وتفاصيل ومواقف مرتبة بدقة وجمال خاص
...بالحلقة السادسة من رفقة طريق رح نحكي عن لحظات تخطف الأنفاس، لحظات بتحرك جواتنا براكين من المشاعر والعواطف منوقف عندها عاجزين عن الوصف والتعبير
لحظة ولادة الطفل، وقوعنا بالحب لاول مرة، لقاء شخص عزيز بعد غياب.. وغيرها كثير
خلوكن عالسمع لتعرفو تفاصيل أكثر
بتمنى الحلقة تنال إعجابكم
23 Nov 2020
فن العيش
فن العيش سهل ممتنع بيتطلب حكمة ومرونة ومهارات بسيطة بتخلينا نكسب الناس ونستمتع بوجودهن بحياتنا أكثر
:من هالمهارات
مراعاة الاختلاف بالطباع ووجهات النظر بين الناس
فصل التصرف الغلط عن صاحبه
عدم إصدار أحكام وتعميم صفات معينة على فئة أو مجموعة كل العمر..
التركيز عالخير عند الناس ليفرجونا منه أكثر..
خلوكن عالسمع لتعرفو تفاصيل أكثر
بتمنى الحلقة تنال إعجابكم
16 Nov 2020
محطات الطريق بحياتنا
حلقتنا لليوم عن محطات الطريق برحلة حياتنا
..رح نشوف فيها أنه بكل محطة بحياتنا دايما فيه شي ناقص والكمال بأي وقت مستحيل
..كل محطة منوصلها بتوقيتنا الخاص اللي بيتناسب مع خياراتنا وأولوياتنا
..لا تستعجلي تحرقي مراحل، استمتعي بحلاوة وخصوصية كل مرحلة
..اشبعي بكل محطة من حالك فيها شكلك، مشاعرك، ردود أفعالك لأنه كل مرحلة ومستوى جديد بحياتك بيطلب نسخة مختلفة وجديدة عنك
اسمعو الحلقة لتعرفو تفاصيل وأمثلة أكثر بتمنى الحلقة تنال إعجابكم
9 Nov 2020
الفضفضة وفش الخلق
الفضفضة وفش الخلق علاج وحاجة أساسية لكل امرأة ما بتقدر تعيش او تكمل بلاهن وتحافظ على صحتها النفسية والجسدية
أهم شي بالحكي انها تختار شخص تثق فيه وما يغدر فيها بعدين ويفشي اسرارها او يستغلها بسببهن
رح نشوف بهالحلقة أساليب وطرق منوعة للفضفضة وفش الخلق مثل الرياضة، الكتابة، الاكل وغيرها
ونتعرف على تاثير الزعل والكبت على صحتك وطاقتك
اسمعو الحلقة بالكامل لتعرفو تفاصيل أكثر بتمنى تنال اعجابكم
2 Nov 2020
الاستثمار بالنفس
الاستثمار بالنفس هو محرك الثروة والطريق الوحيد للنجاح والتميز
رح نشوف بهالحلقة كيف تعبك على حالك وتعلمك وانفتاحك المستمر على كل شي جديد وسعيك لتطوير حالك من كل النواحي بيساعدك لتعيشي شغفك وتوصلي لهدفك اللي بتحلمي فيه
كيف معرفتك بحالك، نقاط قوتك وضعفك، سلبياتك وايجابياتك، شو بتحبي وشوبتكرهي هي البوصلة اللي رح تدلك على الطريق المناسب تماما لرحلتك
كيف التساؤل والتجربة وإعادة ترتيب الأولويات بيطالعك من حالة الضياع والحيرة اللي عايشتيها وبيظهرلك إمكاناتك وقدراتك
اسمعو الحلقة بالكامل لتفاصيل اكثر بتمنى تنال اعجابكم
26 Oct 2020
الوقت بحياتنا
.وقتنا هو رأس مالنا وثروتنا الحقيقية بالحياة ، فيه أسباب كثيرة لضياعه أهمها: سوء التنظيم وترتيب الأولويات، تطفل الأخرين، عدم وجود هدف وخطة واضحة لتحقيقه
..بهالحلقة رح نشوف كيف فينا ننظم وقتنا وننجز فيه
..نتعلم نقول لا للمتطفلين والأشياء اللي بتحرق وقتنا بلا سبب
..نخصص وقت لراحتنا وتجديد طاقتنا
..نفيد ونفرح الناس اللي حوالينا بوقتنا
..نتجنب التعاسة وهدر الوقت اللي بيسببه تفكيرنا بالماضي والمستقبل ونقدر حاضرنا أكثر ونعيش اللحظة الحالية من قلبنا لأنها الوحيدة الحقيقية اللي فينا نتحكم فيها ونحضر لبكرا من خلالها
بتمنالكم وقت حلو ومفيد
10 Oct 2020
هدف رفقتنا
معكن سعاد الخطيب بهالحلقة حابة عرفكن عن حالي وعن برنامجي رفقة طريق اللي بتمنى تلاقو فيه فسحة امل وطاقة ايجابية
تساعدكن برحلتكن ومحطات حياتكن والتحديات اللي بتواجهكن لانه حلاوة الحياة بالمشاركة وتبادل الافكار والخبرات وما بتحلى الرحلة غير مع الرفقة مع حدا يحس فيك ويشاركك فرحك وحزنك
رح رافقكن بمواضيع منوعة تغني رحلتكن ورحلتي معكن لنوصل للنسخة الامثل من حالنا بتمنى تستمتعو بالبرنامج وكون خفيفة الظل عليكن
Contact Refqet tariq | رفقة طريق
Guest appearances
Does not typically book guests
Based on episode analysis; this does not confirm that the show is currently accepting guests.
Host of Refqet tariq | رفقة طريق?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
