Hpaji a lam, amu bungli a lam, maigan de jawng matut lung ai lam ni kawn, hkrat sum ai lam, awng dang ai lam, anhte a prat hkrun lam hta hkrum chye ai mahkrum madup ni hpe tsun, jahta, n’gun la lu na Podcast re.
10. Kumhtat Kaw Mai - Australia Awards Scholarship Hkrun Lam
'Maigan Mungdan Hpaji Matut Hkrun Lam' ngu ai ga baw lawu kaw galaw mat ai lam hta, 2023-24 na Australia Awards Scholar, Kumhtat Kaw Mai hte hkrum shaga da ai re.
Tinang hta nga ai atsam n-gun gaw hpa re, ra ai hpaji ni gawhpa re ngu hpe dinglik yu let matut sharin la mayu ai hpaji hpe gara hku sharin la wa ai, ngu ai lam ni hpe tsun dan mat na re.
Gawng kya taw ai aten karum hpyi ra ai lam, tinang hku nnakarum ya lu ai aten mung atsawm mai karum ya ai ngu ai myit sat lawat gaw ahkyak ai ngu ai hpe chye na let shi a Australia Awards Scholarship hkrun lam hpe, ngam da ai lam n nga ai sha, kata lam hkum tsup ai hku tsun dan mat wa ai re.
N’dai Podcast hpe gaw November shata, 16 ya (16th November2024) hta n’sen rim da ai re.
Background Music Credits: https://www.bensound.com
---------------
Myitkyina kaw Inglik ga/ laika hpe hka ja nga ai ni mung WELearning Centre hpe mai matut mahkai la ai.
WE Learning Centre: https://www.facebook.com/prepareieltsbeatielts
11 Oct 2024
9. Grace Lum Noi - Sawk, Tam, Hti let Chevening Scholarship Hkrun Lam
‘Maigan Mungdan Hpaji Matut Hkrun Lam’ ngu ai ga baw galaw mat wa na lamang kaw, shawng ningnan daw hku nna Chevening Scholar Grace Lum Noi hte hkrum shaga da ai re. Myit n’den grai ja let, galaw mayu ai hpe byin wa hkra, lu galaw hkra aten jaw, hkyen shajin let shakut wa ai Grace Lum Noi a hpaji hkrun lam gaw madat la ai ni a matu majoi n rai mat na re ngu kam ai.
Grace Lum Noi galaw nga ai Podcast hpe lawu na link ni kaw mai sawk yu ai.
Facebook: https://www.facebook.com/share/wxoBgRFK2NceaSw4/?mibextid=LQQJ4d (https://www.facebook.com/share/wxoBgRFK2NceaSw4/?mibextid=LQQJ4d)
Youtube: https://youtube.com/@gracelnkachin3713?si=s1--B1DiVV2atJRx (https://youtube.com/@gracelnkachin3713?si=s1--B1DiVV2atJRx)
Background Music Credits: https://www.bensound.com (https://www.bensound.com)
3 Nov 2021
8. Nhkum Bawk Nu Awng - Philipine Mungdan hte Costa Rica Mungdan ni kaw na sharin la lu ai Simsa Lam Hpaji
Simsa lam hte seng ai hpaji hpe Philipine mungdan hte Costa Rica ngu ai mungdan ni hta sa sharin la lu ai mahkrum madup ni hpe kata lam tsun dan mat wa ai hta n'ga, maigan de jawng n sa shi yang gara hku hkyen wa ai ngu ai lam ni hpe madat la lu na re. Dai hta sha n'ga, Bawk Nu hku nna ta tut galaw nga ai amu bungli ni hte seng nna mung tsun jahta dan mat wa ai re. Simsa lam hte seng ai hpaji hta sha n'ga, ramma ni a rawt jat galu kaba wa na lam hte seng nna grai nan myit lu, karum jaw ya mayu ai ningbaw ningla langai rai nga ai Nhkum Bawk Nu Awng hte san shaga da ai n'dai Podcast hpe madat ai ni a matu lama mi sha pyi gaw akyu lu na re. N’dai Podcast hpe gaw August shata, praw 15 ya (15th August 2020) hta n’sen rim da ai re. Background Music Credits: https://www.bensound.com
15 Sept 2020
7. Tanchya Bawm Myaw: 37 Ning Gun Wa Ai Asuya Magam
Sarama Bawm Myaw (Shadan) gaw jawng sara num hku nna, 37 ning tup Asuya magam hpe gun hpai wa ai wa let shawang myit kaba hte laika ni hpe sharin lai wa ya ai wa re.
Kaji ten kaw na Kawa n nga mat ai raitim, jawng lung na matu tinang hkrai gumhpraw tam, mahkawng let shakut let gara hku na Asuya magam gun byin wa ai lam ni hpe tsun dan mat wa ai re.
N’dai Podcast hpe gaw August shata, praw 4 ya (4th August 2020) hta n’sen rim da ai re.
Background Music Credits: https://www.bensound.com
6 Sept 2020
6. Maran Seng Mai: Media hte Shiga gaw hpa majaw ahkyak ai ta?
Seng Mai gaw Myitkyina News Journal Shiga Dap a Editor-in-chief rai ai hta sha n’ga, Founder ni kaw nna langai mung rai nga ai. Shiga dap langai hpe lu nan lu ra ai ngu ai myit hte shakut sa wa ai hkrun lam, online n’tsa na shiga hte maisau pa shiga ni a shai hkat ai lam ni hte, shi bai matut galaw mayu ai shi a myit shingran ni hpe dan dan leng leng nan tsun dan mat wa ai re.
Media hte seng ai hpaji ni hpe sharin la mayu ai rai jang mung Myitkyina News Journal hpe matut mahkai wa mai ai sha n’ga, Seng Mai hpe nan mung matut mahkai wa mai ai re. Seng Mai a sumla ni, shiga ni hpe gaw n’dai website kaw sa nna mai sa yu ai re http://www.sengmaimaran.com/.
N’dai Podcast hpe gaw August shata, 29 ya (29th August 2020) hta n’sen rim da ai re.
Background Music Credits: https://www.bensound.com
29 Aug 2020
5.Manam Gam San - Korea Ga Hte Myit Shingran Ni
Gam San gaw ya yang e, University of Foreign Languages, Mandalay hta Korea ga hpe sharin la nga ai Final jawng ma re. 2020 ning, June shata hta galaw mat ai “Korean Speech Contest” ngu ai Korea Ga Tsun Shingjawng Poi kaba hta mung Myen Mung ting madang hta nambat langai kumhpa hpe lu da ai wa mung re.
Gam San gaw kaji ten kaw na myit shang sha wa ai Korea ga hpe ban dung jahkrat let atsawm sha hka ja la ai wa re. Shi hpa hpe ra sharawng ai ngu hpe mung chye let, shi masat da ai ban dung de lu du na matu mung, lahkam langai hpang langai hkam nga ai mu ai majaw mung kaja n-gun lu dik nngai.
N’dai Podcast hpe gaw August shata praw mali ya (4th August 2020) hta rim da ai re.
Background Music Credits: https://www.bensound.com
16 Aug 2020
4. Lanem Ja Ram - Tsa Ban 21 hte Computer Science
Galai shai ai lam law law hte hpring chyat nga ai dai ni na aten hta computer hpaji hpe chye da jang grau hkrak na kun? Digitalization galaw ra na, n galaw ra na ngu ai lam ni hpe Ja Ram hte jahta hkat da n’ngai.
Lanem Ja Ram gaw Computer Science hpaji hpe Mandalay kaw Bachelor lung la nhtawm, Yangon University kaw gaw Master hpe bai matut hka ja, jan mau gup da ai wa re. Ya aten hta gaw, Mai Ja Yang kaw nga ai ILAS ngu ai (Institute of Liberal Arts and Science ) jawng kaw e, sharin saranum hku nga hpaji ni hpe ginlen ya nga ai wa re.
N’dai Podcast hpe gaw August shata praw langai ya (1st August 2020) hta rim da ai re.
Background Music Credits: https://www.bensound.com
9 Aug 2020
3. Latau Zau Lat- Shingni hpe shalat, matut manoi sharin hka ja, ta tut jai lang akyu jashawn
Kade mying gumhkawng ai yu ngwi ninghkring kaba rai tim, shagrit shanem ai myit hte kasi kaja tai ya ai Hpu, Composer,
Sara Latau Zau Lat gaw mahkawn ni hpe ding yang shalat taw ai wa re. Dai hta sha n’ga, Lali ngu ai hkai sun bawng hkum sum hpa hpe dut garan ya ai lam, Ainesis ngu ai chyum jawng lung na matu hkyen nga ai ni hpe English hte chyum labau ni hpe sharin ya ai jawng hpe mung hpaw da let, 9K Futsal Statium hpe mung manaw manang ni hte hpaw da let gaw gap ai amu (Construction) ni hpe mung Myitkyina, Dap Kawng Buga kaw matut manoi, n hkring n saq galaw shakut nga ai wa re.
Chye mayu ai lam ni, san mayu ai ga san ni nga ai rai jang, lawu na link ni kaw shang yu let shi hpe matut mahkai wa mai ai.
Sara Latau Zau Lat: https://www.facebook.com/latauzaulat
Lali: https://www.facebook.com/laligardeningservice
9K Futsal Statium: https://www.facebook.com/9K-Futsal-Stadium-411187866383844
Ainesis: https://www.facebook.com/music4Jesu
Music Credits: Asak Jan Mau (Kyeng Tung Ginwang), Hkawn: Minzai Lum Naw, Composer: Latau Zau Lat
Background Music Credits: https://www.bensound.com
Hpu Bawk Ah Zet (Zet Zet) gaw Shalat Education and Resouce Center hpe gaw shalat da ai Founder mung rai n’htawm, hpaji hpe manu shadan let Alternative Education ngu ai (jawng gawk kata sha hpaji sharin la ai n re ai sha kaga lam amyu myu hte hpaji hpe hka ja la ai ladat) hpe grai nan myit lawm, ra sharawng ai wa re. Hkam kaja lam a matu ra ahkyak dik ai gaw, kaja ai lu sha re hpe kaji ten kaw na chye na let, nga ai shara, du hkawm ai shara shagu hkam kaja lam hte htuk manu na zawn re ai lu sha ni hpe tinang nan hkai ai hpe mung ra sharawng ai wa re. Covid-19 byin nga ai lapran hta pyi, matut manoi galaw nga ai magam bungli ni hta coffee tum hkai ai, maigan de (Korea de madung) sa ai lam ni mung lawm lu ai. Highland Coffee hpe Jinghpaw mung hta matut dut shalai na matu ahkaw ahkang (Authorization) lu da ai wa mung re majaw n’dai Business magam ni, hpaji lam ni hte seng nna san mayu ai rai jang Facebook ntsa Zet Zet ngu tam nna matut mahkai wa mai ai.
Music: https://www.bensound.com
26 Jul 2020
1. Labang Seng Ja - Asum n jaw ai hte shakut sa wa ga
Shawng n’nan daw hku nna, Labang Seng Ja hte shi a hpaji hkrun lam, Yangon kaw galaw wa ai magam bungli mahkrum madup ni hte, Australian Awards Scholarship hpe shawk ai hkrun lam, Australia, Melbourne kaw jawng lung nga ai shi a mahkrum madup ni hpe san, jahta da ai re. Moi gaw NSEN ngu n’na hpaw hpang wa let ya gaw Naushawng Development Institute hku nna hpaji ni hpe ginlen, sharin ya nga ai Myitkyina kaw na jawng a lam, Kantkaw Education Center ngu ai Yangon kaw na Thabyay Foundation kata na jawng a lam, Yangon Bake House ngu ai Yangon kaw nga ai Social Enterprise a lam ni hte Australian Awards Scholarship a lam ni hpe mung jahta tsun hkat da ai re.
Reach and audience
Public platform figures. Ratings count people who left a rating, not total listeners.
Apple Podcasts (US)
4.0 / 5
1 ratings
Podcast Authority Score: 17 / 100
A composite of feed quality, social presence, YouTube performance and engagement. Read the methodology.
Quality
35
Social presence
0
YouTube
0
Engagement
0
Contact Seng Hte Hpahka Lu Ten
Guest appearances
Books guests
Based on episode analysis; this does not confirm that the show is currently accepting guests.
Host of Seng Hte Hpahka Lu Ten?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
