بودكاست "الدامبل" بيقدمه كابتن عبدالله مدرب في اللياقة البدنية و معتمد من ISSA Gold’s Academy ، Reps UAE and CPR from Highfield qualifications, المحتوي هو رياضي تعليمي، هنتكلم فيه عن التغذية الرياضية ورياضة كمال الاجسام و إزاي نحافظ علي صحة أجسامنا وتأهيلها لباقي الالعاب، و هنشرح تفصيلاً دور عضلات الجسم و الاعضاء الحيوية، و هنناقش المقالات والدراسات العلمية الحديثة المتعلقة بالمجال الرياضي.
Welcome champions!
أهلاً بيكم في حلقة جديدة من البودكاست الدامبل اتكلمنا قبل كده عن أهمية النسيج العضلي كنسيج مهم جداً في جسم الانسان وفي حلقتنا لازم نتكلم بالتفصيل عن علاقته بالجهاز العضلي muscular System
الجهاز العضلي فيه حوالي 600 عضلة بيشتغلوا سوا مع الجهاز الهيكلي لخلق الحركة ونزود عليهم حوالي 30 عضلة بس علشان الاكل يعدي من الجهاز الهضمي وتدوير الدم وعضلات بتشغل اعضاء داخلية معينة العضلات بتحتاج تغذية كبيرة علشان هي اللي بتخرج طاقة وهو النسيج الاساسي في التمرين بتاعنا ولازم نبقي عارفين ايه هي أنواع النسيج العضلي وايه شكلها
شكل الانسجة العضلية تحت الميكروسكوب بيختلف حسب الهياكل المختلفة بس في شكلين دائما هم اللي موجودين الانسجة العضلية المخططة والانسجة الملساء
وبنقسم النسيج العضلي ل ٣ أنواع
أولاً cardiac muscle tissue أو انسجة عضلة القلب وبتبقي أنسجة عضلية متخططة ولا إرادية ودي بتكون جدار القلب ودي وظيفتها الانقباض والانبساط اللي بيسبب ضخ الدم في الجسم وعضلة القلب بتكون متفرعة و الانسجة بتاعتها مش بتتعب بسهولة حتي في ظروف التمرين العنيفة العضلات الهيكلية هي اللي بتتعب الاول
أنسجة القلب بتحتاج بس فترة راحة بين الانقباضات.
تاني حاجة smooth muscle tissue او أنسجة العضلات الملساء ودي برضو أنسجة عضلية لا إرادية وبتبقي موجودة في الجهاز الهضمي والتنفسي والجهاز البولي التناسلي في جدران الاوعية الدموية وفي عضلات العين و انقباضها بيبقي أبطأ كمان من العضلات المخططة وبرضو مش بيحصلها اجهاد بسرعة
تالت نوع هو skeletal muscle tissue أو أنسجة العضلات الهيكلية ودي عبارة عن أنسجة مخططة إرادية وأليافها طويلة
ودائما بتبقي متصلة بالعظام والمقلة الخارجية من العين والجزء العلوي من المرئ
وظيفتها تحريك العظام والعينين ومن خلالها بيتم نقل الاكل من خلال اول جزء من البلع كمان الانسجة دي مبتقدرش تتحمل المجهود لفترات طويلة لانها بتتعب بسهولة
وبكده نبقي وصلنا لنهاية حلقتنا واللي اتكلمنا فيها بشكل مفصل يعني ايه الجهاز العضلي وشرحنا الانسجة العضلية وعرفنا انه هو المحرك الاساسي في التمرين ونتقابل في بودكاست جديد
Stay healthy champions
13 May 2024
مكان الحركة؟
Welcome champions!
أهلاً بيكم في حلقة جديدة من بودكاست الدامبل اسم الحلقة بالاتيني يعني loco- motio /يعني مكان الحركة
وانجليزي يعني locomotor system /أو الجهاز الحركي هنتكلم بشكل مفصل أكتر عنه في حلقتنا.
الجهاز الحركي هو نظام بيتكون من عظام وغضاريف بتدعم الجسم وتحميه / 206 عظمة متصلة بأربطة وأوتار بتشكل الهيكل العظمي البشري في الشخص البالغ /و اللي بدوره بيحمي أعضاء الجسم وكمان العظام بتشتغل كأنها رافعات كده علشان تنقل القوي العضلية /ودي مش بس وظيفة العظام ده بتبقي زي البنك بتخزن وبتخرج أهم المعادن زي كربونات الكالسيوم و فوسفات الكالسيوم
محتاجين نتكلم أكتر عن الجهاز الحركي /زي اننا علشان نقوي العظام لازم تاكل بيض ومنتجات الالبان ومنتجات بحرية علشان تحافظ علي سلامة العظام وتديها القوة والصلابة
كمان العظام فيها أنسجة غنية بالاوعية الدموية/ واللي بدورها بتسرع من عملية الاستشفاء في حالة حصل كسور /وفي برضو النخاع اللي مسؤول عن انتاج كريات الدم الحمراء و البيضاء و الصفائح الدموية .
الهيكل العظمي مقسوم ل حاجتين الاول الهيكل العظمي المحوري زي الجذع والرأس وبتتكون من الجمجمة والعمود الفقري والضلوع /أما الهيكل العظمي الزائدي زي الدراعات والرجلين كمان العظام دي بتختلف في الشكل والحجم .
كمان الشكل والحجم منقسمين لخمس أشكال
أولهم العظام المسطحة زي الضلوع والترقوة والكتف/
تاني حاجة العظام القصيرة اللي وجودها مميز لانها بتمتص الصدمات
تالت حاجة العظام الطويلة اللي بتوفر الدعم للهيكل زي الرجل وعظم الفخذ
رابع حاجة عظام السمسم ودي عظام صغير بتبقي جوه الوتر مهمتها الحماية وموجودة في الرضفة في الركبة والابهام
واخر حاجة هي العظام الغير منتظمة ودي موجودة في العمود الفقري وعظام العانة والفك
وممكن تبقي سألت نفسك قبل كده هو ازاي الجنين عنده عظام برضو مع انه حجمه صغير في بطن أمه /
طول الجنين بيبدأ من أول شهر في الحمل بيبقي سم واحد بس لحد الولادة وبيبقي طوله ٤٥ سم /ومراحل الحمل منقسمة علي ٣ مراحل أول ٣ شهور first trai master بيبقي الجنين عبارة هيكل مضغوط علشان يتحمل انقباضات الرحم /
تاني مرحلة او تاني ٣ شهور middle trai master
بيبقي الجنين عبارة عن هيكل غضروفي \
أما اخر مرحلة أو last traimaster بيبقي عبارة عن عظام غضروفية عظام بطئ وتستمر الغضاريف في النمو لحد سن ١٨ سنة في البنات و ٢١ سنة في الاولاد وبعدها يقف الطول
وبكده نبقي وصلنا لنهاية حلقتنا واللي اتكلمنا فيها بشكل مفصل يعني ايه الجهاز الحركي وايه دوره في الشخص البالغ والجنين ونتقابل في بودكاست جديد
Stay healthy champions
6 May 2024
أهم آلة حية!
في الحلقة دي هنتكلم عن أهم آلة حية موجودة في الحياة وازاي بتشتغل وايه إمكانياتها وحدودها وعلاقتها بالبودكاست الرياضي بتاعنا.
29 Apr 2024
أهمية التمثيل الغذائي 2
في الحلقة دي هنتكلم عن معلومات اكتر في التمثيل الغذائي وعلاقته بالسعرات الحرارية وازاي الدهون بتستهلك طاقة اكتر لحرقها
22 Apr 2024
أهمية التمثيل الغذائي.
في الحلقة دي هنتكلم عن تعريف عملية التمثيل الغذائي وأهميتها في حياتنا اليومية وعلاقتها بعملية التوازن و يعني ايه طاقة.
15 Apr 2024
ما هي الرياضة؟
في الحلقة دي هنتكلم عن الفرق بين النشاط البدني والتمرين ويعني ايه رياضة وأمثلة عليها
Reach and audience
Public platform figures. Ratings count people who left a rating, not total listeners.
Spotify
5.0 / 5
8 ratings
Contact The Dumbbell | الدامبل
Guest appearances
Books guests
Based on episode analysis; this does not confirm that the show is currently accepting guests.
Host of The Dumbbell | الدامبل?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
