True Crime Filisur – #9 Il cas tragic da l'ustiera dal Bellaluna
Bellaluna, ils 19 d’avrigl 1988: Paula Roth vegn assassinada a moda brutala. Cun 11 cuntelladas è l’ustiera vegnida chattada en il suler da sia ustaria.
. Prontas eran duas «Coca Colas», ch’ella vuleva servir – tranter auter a ses agen morder. Igl è in’istorgia che tracta da misteris zuppads ed in’engurdientscha per daners ch’ha la finala manà fin a la mort tragica da l’ustiera Paula Roth.
Ils auturs, Gion Caviezel e Fabia Caduff, raquintan da l’omicidi tragic da Paula Roth – la dunna ch’è daventada ina legenda a Filisur – e tge regurdanzas dal cas ch’èn 37 onns pli tard anc restadas als abitants da Filisur.
4 Sept 2025
True Crime Chatscha – #8 accident tragic u tuttina dapli
El stat be quiet, piglia si il schluppet, prenda en mira la bostgaglia, nua ch’el vesa davosvart las cornas d’ina tschierva, e spetga fin che l’animal vegn ora – il det è gia pront per trair.
Dentant vegn or da la bostgaglia il collega da chatscha e betg il tschierv. In schoc per il chatschader, raquinta el a nus en questa episoda da True Crime. I saja ina situaziun, nua che millisecundas decidian. Il chatschader na tira betg, sch’el n’è betg 100% segir da savair sin tge ch’el mira, ed uschia è questa situaziun ida ora bain. I dat dentant er auters cas, nua che quella situaziun finescha auter ed il collega vegn sajettà giu. Qua sa metta la dumonda tge ch’il chatschader ha vis e sch’i sa tracta d’in mazzament intenziunà u tuttina d’in accident? En la pli nova episoda da True Crime Grischun guardain nus tranter auter cun la procura publica grischuna co che tals cas che succedan durant chatscha vegnan intercurids, dentant dain nus er in sguard sin differents cas ch’èn succedids en il Grischun.
29 May 2025
#7 Vendetga – in mazzament d'onur
Filmmaker and historian Gieri Venzin recounts his investigation into a 1969 honor killing in Sedrun, detailing his journey to Calabria to find the perpetrator in this interview episode.
2 May 2025
#6 Murdraretsch per incumbensa – Part 2
Per la famiglia da Martin Staub è il murdraretsch in schoc. Per la famiglia suonda in temp difficil. Il figl da la victima, Silvio Staub, ha discurri cun nus sur dal crim sgarschaivel e co che la famiglia va enturn cul capità.
Igl è l’emprima giada che Silvio Staub discurra cun las medias sur dal murdraretsch da ses bab avant passa 20 onns. Per el èsi impurtant ch’il cas na va betg en emblidanza. En memoria a ses bab ha el vulì discurrer dal crim ch’è restà ad el en memoria sco sch'i fiss stà ier.
2 May 2025
#6 Murdraretsch per incumbensa – Part 1
L’um da fatschenta da San Murezzan Martin Staub (50) vegn chattà ils 30 da settember 2003 en in lai da sang sin ses bain d’allevar chavals a la Côte d’Azur.
Sco ch’i para è el vegnì assassinà là en sia chasa a moda brutala, durant ch’insatgi è rut en. En il rom da las inquisiziuns chatta la polizia dentant indizis ch’insatgi haja planisà il murdraretsch. Las retschertgas mussan che perditgas n’han betg ditg la vardad ed alibis èn vegnids inventads.
Quest cas da «True Crime» vegn raquintà en duas parts. En la segunda part raquinta il figl da l’um assassinà, Silvio Staub, co che la famiglia è ida enturn cun il schabetg. Per la famiglia è il murdraretsch stà in schoc. I saja stà in temp difficil. La segunda part vegn emessa en il Radio Rumantsch ils 18 da matg 2025. Ins po dentant tadlar gia ussa tut las episodas sin rtr.ch/truecrime.
14 Nov 2024
#5 Il culp final
Cuira, ils 26 mars 2000. Tuttenina rumpan 17 sajets las fanestras dal restaurant Rosenhügel. Ils tuns vegnan gì d’in balcun da la chasa visavi. In giuven da 21 onns va amoc.
En sia abitaziun spetga el cun buis d’assagl e la situaziun na sa lascha quietar. Dus policists vegnan blessads grevamain e las persunas al lieu portan cun sai ina memoria stgira per tut la vita. A fin va l’amoc cun in sajet final. Il giuven vegn sajettà giu da la polizia. En la pli nova episoda dal True Crime Grischun guardain nus sin las istorgias davos il cas: Tgi era il giuven attentader? Daco decid’ins da far in tal crim? Cura dastga il stadi mazzar ina persuna? Co pon ins esser preparà sco policista per ina situaziun uschia extrema? E tge lascha il cas enavos enfin oz? A quellas dumondas giainsa suenter.
6 May 2024
#4 Sparì – in uffant manca
Venderdi ils 6 da zercladur 1969: Mihael Derungs, sparescha da cler di ord vischnanca. Tuts tschertgan il mat da 6 onns. I dat bleras teorias nua ch'el pudess esser, dentant fastizs na datti betg. Cun l'intschertezza nua ch'el è, creschan era las ideas nua ch'el pudess esser. I dat ina massa famas.
Fin oz muventa il cas. Ils ins enconuschan il destin tragic da Mihael da raquints ed auters na vulan betg pli chavar en questas regurdanzas che han laschà enavos plajas. En questa episoda da True Crime Grischun vain nus vulì savair co ch'ina cuminanza va enturn cun uschè in cas tragic – saja quai a Vignogn u er en auters lieus.
31 Aug 2023
#3 Cocain musical
1'606 fegls da notas che n'èn betg vegnids stampads per laschar tunar las cumposiziuns scrittas, mabain per laschar tunar las cassas. Las notas èn vegnidas tramessas per posta da pachets da lEcuador en Svizra. Il pachets cuntegnevan dentant dapli che mo melodias finas: numnadamain cocain.
En ina cuschina da cocain, installada en in'abitaziun da vacanzas a Laax, vulevan plirs umens extrair da lonn 1993 il cocain pur dals fegls. Profitar avess stuì in cartel da drogas sidamerican. Ma in agent secret ha midà listorgia.
La pli nova episoda da True Crime Grischun dat plinavant era ininvista en il problem da la criminalitad organisada en Svizra e mussa il cumbat da la directura da lUffizi federal da polizia (Fedpol) Nicoletta Della Valle cunter la mafia.
30 Aug 2023
#2 Axel Sven Springer: In rapinament tranter famas e vardad
Il gimnasiast Axel Sven Springer svanescha ina notg or da sia stanza da l'internat al Lyceum Alpinum Zuoz. Tge è capità cun il biadi dal mogul da medias tudestgas Axel Springer? Quai na lessan betg mo savair sia famiglia, mabain er la polizia e las medias internaziunalas.
En questa istorgia, ch'è capitada il 1985, vai per vita e mort. In descendent prominent vegn rapinà – il pretsch da liberaziun èn 15'000'000 DM. Ma en las medias vegn mess en dumonda sch'i sa tracta propi d'in crim, ubain tuttina be d'in pluffer skerz.
I va per il gust da l'aventura, per grondaschia, per aviditad da daners e naìvitad cun ina gronda purziun energia criminala.
Fabia Caduff ed Anna Serarda Campell han retschertgà davart il cas.
29 Aug 2023
#1 Ils morts da Martina
Il glindesdi da Pasca da l'onn 1974 èn vegnidas chattadas duas baras be pauc si dal guaud tranter Martina e Strada en Engiadina Bassa. Tgi era questa mamma cun ses figl? Il giuven era da viadi senza chalzers e la mamma aveva cun sai ina bulscha plain brevs. Ina scuverta trista ch'ha fatschentà tant la polizia sco er ils abitants e las abitantas da Martina. Avess ins pudì evitar quest'istorgia tragica? Tge connex ha la mort da questas duas persunas cun ils sbratgs d'agid ch'ins aveva udì in pèr emnas avant en il vitg?
En la Marella avain nus tschertgà fastizs da quests nunenconuschents e raquintain, pertge ch'i dat anc adina persunas che pensan mintga di vi da quest cas tragic.
Reach and audience
Public platform figures. Ratings count people who left a rating, not total listeners.
Spotify
5.0 / 5
2 ratings
Host of True Crime Grischun?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
