"Umhvørvið og eg" er ein sending, sum varpar ljós á tey viðurskifti sum tú og eg hava ávirkan á, tá tað snýr seg um at verja umhvørvið. Ljós verður varpað á góðar vanar og á arbeiði - bæði frá privatari og frá almennari síðu, sum kann vera við til at verja umhvørvið.
Vertur er Elin Michelsen.
Tá tað snýr seg um politiska viljan at verja umhvørvið, so eru vit í Føroyum nakað aftan fyri grannar okkara, tí har tey til dømis hava bæði kemikalielóg og veðurlagslóg, hava vit ongar.
Vit hava eina umhvørvislóg, sum greinar uppgávubýtið millum kommunur og land, og sum er gomul og kanska ótíðarhóskandi, spyrt tú umhvørvisfelagsskapirnar í Føroyum. Hesir ynskja sær størri ávirkan og nýggjar og meira tíðarhóskandi lógir.
Tey, ið luttaka í sendingini eru Suni Petersen, Annika Bolton Mortensen og Bjørt Sigurdsdóttir Lamhauge.
14 Dec 2020
Umhvørvið og eg - felagsskapir
Vónandi gera vit øll tað, men onnur fara eitt stig víðari og skipa ruddingina, soleiðis at tey sjálvi og onnur fáa møguleikan at gera nakað gott fyri Føroyar og náttúruna. Henda rudding hevur ymisk skap, sum tey í ?fýra plastikk um dagin?, ?rudda Føroyar? og ?ringrás? siuga okkum frá.
Tey, sum luttaka í sendingini hesaferð eru Annika og Svein Rógvi Ljósstein, Sigrun Mohr og Ingmar Valdemarson á Løgmansbø.
7 Dec 2020
Umhvørvið og eg - ung
Kennist henda uppgáva ov stór, nú tey dagliga hoyra um, hvussu ringt verðin hevur tað?
Tað eru tey ungu, sum rópa varskó, nú veðurlagið broytist og frumskógirnir vera brendir. Tað eru eisini tey ungu, sum eru mest útsett fyri veðurlagsótta og ótta um eina dapra framtíð, har veðurlagsflóttar eru normurin. Tað hjálpir tó at kenna, at tú gert nakað fyri at broyta støðuna, sum hon er nú. Tað siga tveir av gestunum í sendingini, Bjørt Sigurdsdóttir Lamhauge og Bjørg Brynhildardóttir Egholm, sum báðar hava ein aktivan leiklut í bardaganum fyri veðurlagnum.
Afturat teimum luttekur Kathrina Lindenskov Holm í sendingin hesaferð.
30 Nov 2020
Umhvørvið og eg - Bilar
Hyggja vit at hagtølunum hjá akstovuni, so eru 26.534 persónlbilar eru skrásettir í Føroyum í november í ár. Av hesum eru 269 elbilar, meðan restin brúka bensin ella diesel. Og hóast tú ikki hevur valt elbil, so ber til at fara væl um umhvørvið við at koyra skynsamt og hugsa teg um, tá tað snýr seg um røkt av bilinum.
Við í sendingini hesaferð eru Magnus Gunnarsson, Fríðrikur Bláhamar og Martin Andreas Kruse
24 Aug 2020
Umhvørvið og eg - Hugburður
Tær nýtist ikki at hava eitt fátækari lív, um tú velur at lata vera við at fylgja streyminum, og hugsa um umhvørvið heldur enn at eiga tað nýggjasta nýggja, og tú kanst gera ein mun, um tú velur at deila ta vitan tú hevur, við onnur.
Í hesari sending tosa vit við Gunnhild Dahl Niclasen og Martin Andreas Kruse, sum halda grønu kósina á hvør sín hátt
17 Aug 2020
Umhvørvið og eg - burðardyggur matur
Fyrr vistu vit, hvaðan maturin, vit eta, kom, men í dag eta vit so nógvan innfluttan mat, at vit ikki altíð gáa um, hvar matvørurnar eru framleiddar, og hvørja ávirkan tær hava á okkum og umhvørvið.
Hevur tú hug til at hugsa um umhvørvið, tá tú keypir mat, so ber hetta til, um tú keypir vistfrøðiligan ella lokalt framleiddan mat.
Luttakarar í hesari sending eru Gutti Winther, Borghild á Fløghamri og Bo Møller
10 Aug 2020
Umhvørvið og eg - matoyðsl
Sjálvt um matoyðsl snýr seg um meira enn tann mat, sum tú og eg tveita í ruskspannina, so er tað ein trupulleiki, sum vit eiga lut í, og hava vit høvdið við okkum, tá vit til dømis fara til handils, so kunnu vit gera okkurt munagott fyri umhvørvið á hesum øki.
Luttakarar í hesari sending eru Gutti Winther, Gunnhild Dahl Niclasen, Kári Andreasen og Elsa Berg
3 Aug 2020
Umhvørvið og eg - klæðir
Tað gevur eina vælverukenslu at keypa eitt nýtt plagg, men henda gleði við nýggja plagginum varar styttri enn hon gjørdi fyrr, so vit keypa alsamt fleiri klæðir, og nógv av hesum klæðum verða aldrin brúkt, men tað ber til at finna eydnuna aðrastaðni.
Í hesari sending tosa vit um tey klæði vit brúka og keypa, og tey árin okkara ovurnýtsla hevur á umhvørvið.
Luttakarar í sendingini eru Sissal Kjartansdóttir Kristiansen, Sára Jógvansdóttir, Gunnhild Dahl Niclasen og Elin Lindenskov
23 Jul 2020
Umhvørvi og eg - hiti
Tá tað snýr seg um varandi orkukeldur, ið skulu nýtast til hita, er jarðhiti tað, øll tosa um. Men hvat er jarðhiti, og hvaðan kemur hesin hiti?
Eisini verður í hesi sending tosað um oljuna og hvat tað er við henni, sum dálkar so illa.
Luttakarar í hesari sending eru Meinhard Eliasen, Jana Ólavsdóttir, Óluva Eidesgaard, Maria Chun Nielsdóttir og Eyðun Eliasen
20 Jul 2020
Umhvørvið og eg - Streymur
Men hvaðan kemur streymurin, og hvussu líður við at sleppa av við oljuna í streymframleiðsluni?
Eisini geva serfrøðingar okkum góð ráð um, hvussu vit kunnu tálma streymnýtsluni til frama fyri bæði pengapung og umhvørvi.
Luttakarar: Kári Mannbjørn Mortensen, Bjarti Thomsen, Eyðun Eliasen, Bjarni Kjærbæk
13 Jul 2020
Umhvørvið og eg - endurnýtsla
Í 'Umhvørvið og eg' fer tað hesaferð at snúgva seg um lívrunna tilfarið, sum kann gerast til sankutø, og um endurnýtslu av góðum tingum, sum vit geva Dugna at selja víðari.
Luttakarar í sendingini eru millum onnur Súsanna Berg, Dennis Holm, Elin Lindenskov, Elsa Berg, Allan Mørkøre og Rúna Hansen.
6 Jul 2020
Umhvørvið og eg - Endurvinning
Ta vit hava latið okkara burturkast í skrelliposan ella á endurnýtsluplássið, so hugsa vit ikki so nógv um tað meira, men aðrar hendur taka við, har okkara sleppa, og hesi fólk hugsa um, hvussu okkara rusk kann endurnýtast ella endurvinnast.
Luttakarar eru millum onnur Súsanna Berg, Óli Ó. Olsen og Jógvan Mørkøre, umframt onnur starvsfólk hjá IRF.
29 Jun 2020
Umhvørvið og eg - Rusk
Í fjør endaðu 63 túsund tons av burturkasti á føroysku ruskstøðunum hjá IRF og á Kommunalu brennistøðini. Hetta er tilfar, sum vit føroyingar tveita burtur, og hjá flestu okkara er hetta tilfar burtur úr huganum, so skjótt tað er farið í ruskposan, ella tá vit hava verið á bingjuplássinum við tí.
Men ruskið er ikki horvið, og fyri tey, sum arbeiða við okkara burturkasti, letur ein heilur heimur seg upp, tá vit hava verið á bingjuplássinum við teimum lutum, vit ikki brúka meira.
Leinkja til føroysku burturkasttrappuna
Luttakandi eru millum onnur Súsanna Berg og Jógvan Mørkøre frá IRF og Elsa Berg.
Contact Umhvørvið og eg
Guest appearances
Books guests
Based on episode analysis; this does not confirm that the show is currently accepting guests.
Host of Umhvørvið og eg?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
