Bisch du grad neu i de Schwiiz und überforderet mit de Spraach? Oder bisch scho länger da und willsch endlich mal Schwiizerdüütsch lerne? Denn bisch du da genau richtig!
I dem Podcast ghörsch du mich langsam und dütlich Züridüütsch rede, über alles mögliche was i de Schwiiz so lauft und was du über eusi Kultur wüsse muesch. So bliibsch du immer ufem neuschte Stand und verbesserisch diis Hörverständnis. Ich lade jede Monet e neui Folg ufe, also lueg regelmässig ine!
Ich freu mich, dich uf diim Weg durs Schwiizerdüütsch z'begleite.
Fondue, Raclette, Älplermagrone... D'Schwiiz het vieli spezialitäte. Di meischte vo dene beinhaltet natürlich chääs! Aber es git no vill meh, wo d'Schwiiz kulinarisch z'büüte het.
13 Mar 2023
Kantönligeischt
Jede kanton macht, was er will... was genau hetts mitem kantönligeischt uf sich?
Viele dank a oise patron Hannes für die spannendi frag :)
Willsch au du ois frage stelle? Wird es mitglied uf oisem Patreon-Account!
patreon.com/user?u=84449403
26 Jan 2023
Sportlichi Schwiiz
Wenn mer ad Schwiiz denkt, denkt mer schnell a Skifahre. Natürlich zellt das zude beliebtiste sportarte ide Schwiiz, aber es git no meh! Erfahr hüt, wie d'Schwiizer sport triibed.
17 Nov 2022
Sauwetter...
S'schwiizer Wetter chan sehr wechselhaft sii. I de gliiche Wuche chan's Schnee, Rege und Sunne ha. Aber warum isch das so? I dere Folg verzell ich eu chlii drüber, was s'schwiizer Wetter und Klima uusmacht.
Picture by: Valdemaras D.
8 Aug 2022
Ferieziit
Summer, Sunne, Sunneschiin...
Erfahr meh darüber, was d'Schwiizer i ihrne Summerferie gern mached!
4 Jun 2022
Musig i de Schwiiz
Ländler, Alphorn und Jodel... Dass d'Schwiizer Musigszene aber no vill meh z'büüte het, erfahrsch du i de hütige Folg!
26 Apr 2022
S'Bildigssystem vo de Schwiiz
Wie alt isch mer i de Schwiiz, wenn mer mit de Schuel aafangt? Und was passiert nach de Primarschuel? Hüt verzell ich eu s'wichtigste über s'Bildigssystem i de Schwiiz. Das chan nämlich ganz schön kompliziert werde!
23 Feb 2022
Politik uf Schwiizer Art
Wer isch s'Staatsoberhaupt vo de Schwiiz? Wie funktioniert das mit de direkte Demokratie? Und warum hend d'Gmeinde so vill z'sege? I dere Folg wirds politisch! Ich stelle eu die wichtigste Bsunderheite vom politische System i de Schwiiz vor.
13 Jan 2022
D'Schwiiz und ihri Nachbarländer
I de hütige Episode red ich über d'Länder, wo d'Schwiiz aagrenzet: Düütschland, Liechtestei, Österrich, Frankriich und Italie. Sie hend alli en gwüsse Iifluss uf d'schwiizer Kultur. Findet use, wie d'Schwiiz zu dene Länder staht und was mir a eusne Nachbare gern hend!
20 Dec 2021
Bald isch Wiehnachte!
Wiehnachte ruckt immer nöcher, drum verzell ich eu hüt vo de wichtigste Traditione wo mier i de Schwiiz im Dezember händ. Es gaht um d'Adventsziit, Christbäum und de Samichlaus!
30 Nov 2021
Herbscht i de Schwiiz
Es wird chalt i de Schwiiz - de Herbscht isch da!
I dere Folg erfahrsch du, was für Traditione mir Schwiizer im Herbscht hend und warum das miini Lieblingsjahresziit isch.
30 Nov 2021
Willkomme!
Schön bisch debii! I de erschte Folg verzell ich e chlii über mich und warum ich de Podcast mach. Ich hoff du chasch mir guet folge! Falls du bim erschte mal nonig vill verstahsch, mach der kei Sorge. Du chasch de Podcast so oft lose, bis du mich ohni Problem verstahsch.
Contact Willkomme i de Schwiiz!
Guest appearances
Does not typically book guests
Based on episode analysis; this does not confirm that the show is currently accepting guests.
Host of Willkomme i de Schwiiz!?
Claim your podcast to manage its listing and keep your show details accurate.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
