BERRIA egunkariaren aktualitateko podcasta da 'Berriketan', Euskal Herrian eta munduan gertatzen ari denaz jabetzeko gakoak eskaintzen dituena. Saio bakoitzak gai bat izanen du hizpide, eta, elkarrizketa laburren bidez, jakin beharrekoak aletuko dituzte adituek eta kazetariek, Iker Tubia kazetariak gidatuta.
Red Bay herria du hizpide Berriketan saioaren atal honek. Kanadako arrantzale hiri horrek lotura estua du Euskal Herriarekin, XVI. mendean han ibiltzen baitziren euskaldunak balea arrantzatzen. San Joan baleontzia han hondoratu zen, eta haren erreplika hara eraman nahi dute orain. Enekoitz Telleria Sarriegi BERRIAko Bizigiro saileko kazetaria Red Bayn izan da berriki, eta han ikusi eta entzundakoak kontatu dizkigu.
Atal hau Uxue Perezek editatu du. Berriketan podcasteko doinuak Lumi taldeak egin ditu.
4 Jun 2026
Pediatren errezeta: pantailarik ez
Pantailek adingabeetan eragiten dituzten kalteak ditu hizpide Berriketan saioaren atal honek. Euskal Herriko Pediatren Elkarteak gida bat osatu du, kalte horiek zerrendatuz eta gomendioak emanez. Bilbon egindako jardunaldi batzuetan horri buruz aritu dira adituak. Kristina Martin BERRIAko kazetaria han izan da, eta horren berri eman digu. Bestalde, Edurne Begiristain BERRIAko kazetariak neurologoek eta psikologoek esandakoa kontatu digu.
Atal hau Lara Madinabeitiak editatu du. Berriketan podcasteko doinuak Lumi taldeak egin ditu.
3 Jun 2026
Ez da horren mundiala
2030eko Munduko Futbol Kopa du hizpide Berriketan saioaren atal honek. Bilbok eta Donostiak hautagaitza bateratua aurkeztu dute bina partida jokatu daitezen Anoetan eta San Mamesen. FIFAren exijentzia zorrotzek eta halako ekitaldi bat antolatzeak izan ditzakeen ondorioek eraman ditu hautagaitza bateratua aurkeztera. Baina onuragarria al da halakorik antolatzea? Zein dira baldintzak eta kostuak? Zein dira ondorioak? Ainara Arratibel Gascon BERRIAko kiroletako koordinatzaileak eman dizkigu horri buruzko gakoak.
Atal hau Uxue Perezek editatu du. Berriketan podcasteko doinuak Lumi taldeak egin ditu.
Contact Berriketan
Guest appearances
Books guests
Based on episode analysis; this does not confirm that the show is currently accepting guests.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
