Nuntii Latini Occidentalis Studiorum Universitatis Vasintoniensis
Nuntii Latini
Claim This Podcastby Discipuli Occidentalis Studiorum Universitatis Vasintoniensis
4.9(44 reviews)
44 episodes
Updated Weekly
Accepts GuestsHas SponsorsLocation 🇺🇸
Podcast Overview
Nuntii Latini Occidentalis Studiorum Universitatis Vasintoniensis
Language
🇱🇦
Publishing Since
3/14/2024
2 verified contact emails on file for Nuntii Latini
Pitch yourself as a guest, propose sponsorships, or reach out directly to the host.
Recent Episodes
March 5, 2026
diē quartō mēnsis Martiī
Epicus Furor Diē Saturnī, quī undecimus diēs nōnī mēnsis secundum rātiōnem Mahometānōrum fuit, Ali Khamēnī, tyrannus Irāniānōrum, aliīque ēiusdem regiminis magistrātūs et dūcēs in ūnum locum convōcātī, sunt āb Isrāēlītīs et Americānīs, quī scīvērunt ubi Irāniānī essent et quid agerent, subitō interfectī, ac castra et missilia et arma in Irāniā condita sunt oppugnāta. Quō factō Irāniānī mīlitēs, ultimīs mandātīs ante impetum datīs pārentēs, missilia nōn sōlum in Israelītās iēcērunt sed etiam in Baharīnam, et in Coniunctōs Phylarchōs Arabicōs, et in Cuvaitō, et in Iordaniam, et in Ōmānam, et in Quatariam, et in Arabiam Saudōrum, et in Sȳriam, necnōn etiam in Cyprum īnsulam Eurōpaeam; unde ferē tōta regiō Arabica est rārā concordiā in īram conjuncta adversus Irāniānōs. Regimen autem Irāniānum fōns et orīgō fuit terrōris; et Hezbollah conjūrātōs terrōristās in Libanō, Hamās inter Palaestīnōs, Houthiānōs in Iemeniā aluit ut gentēs vīcīnās convelleret; necnōn Venetiolānōs aluit, ut vexāret Americānōs, quōs Khamēnī “magnum Satān” vocitāre solēbat. Domī autem idem regimen innumerābīlia mīlia cīvium trucidāvit et lībertātem repressit. Khamēnī tamen interfectō, iuvenēs in viīs exsultant et monumenta tyrannī evertunt. Hortātur praeses Americānus ut Iraniānī cīvēs in oppressōrēs insurgant et regimen tyrannicum ēvertant. Ursula von der Leyen, praeses Europaeae Commissiōnis, diē Saturnī nūntiāvit suum Collegium Secūritātis diē Lūnae convōcandum. Keir autem Starmer, quī ministrī prīmāriī mūnere adhūc fungitur in Britanniā, brevem ōrātiunculam habuit, quā negāvit Britannōs quicquam ēgisse. Ante impetūs factōs, Starmer recūsāverat nē permitteret Americānīs ūtī castrīs Britannōrum, ut in īnsulīs Chagōs dictīs; sed cum Irāniānī coepissent missilia in omnēs gentēs fīnitimās et ad mīlitēs Britannōs sine discrīmine iactāre, Starmer aliter cēnsuit, ut licēret Americānīs ūtī castrīs. Bellum in Afghāniā Magsitrātūs Afghānī, quī et Talibānī appellāntur, diē Iovis subitō coepērunt bellum in Pacistānōs gerere longē melius exercitātōs atque armātōs. Illī igitur invicem bellum apertum gerunt in Talibānōs et impetūs aēriōs tam Cabūrae, in capite Afghāniae, quam in Candahāriam regiōnem, sēdem Talibānōrum, fēcērunt. Bellum in Libanō Quamquam indutiae in Libanō factae sunt, Isrāēlītae impetūs aēriōs in terroristās Hezbollah dictōs faciunt, in quibus praecipuē dūcēs missilibus praefectī occīduntur. Grex ille Hezbollah dictus ab Īraniānīs alitur, sed longē dēbilior est nunc quam priōribus annīs fuit. Nawaf Salam minister prīmārius Lībanus dīxit Hezbollah ā mīlitibus Lībanīs interdictum irī. Bellum in Ūcrāīnā Nicolāō Madūrō inter hōrās sublātō, et Khamēnī inter prīmum impetum interfectō, Russī quīntum iam annum bellum, quod putāverant intrā trēs diēs ad fīnem perducendum, in Ūcrāīnēnsēs gerere pergunt. Diē autem Saturnī subitō atque ex inopinātō Cyrillus Budanov nūntiāvit Russōs nōn iam nōlle pignora secūritātis accipere quae Americānī prōposuissent. Operātiō in Aequitōriā Diē Martis Americānī nūntiāvērunt sē cum Aequitōriānīs coniunctōs in narcoterroristās facere impetum. Diē autem Mercuriī magistrātūs Aequitōriānī lēgātōs omnēs Cubānōs declārāvērunt persōnās nōn grātās et iussit ante diem Veneris ē fīnibus Aequitōriae ēgredī.
January 24, 2026
diē vīcēsimō tertiō mēnsis Iānuāriī
Prīncipēs probātī atque improbātī Novo annō ineunte, doctī hominēs populāris opīniōnis metiendī perītī referunt quī summī magistrātūs ā suīs cīvibus probentur et quī improbentur. Sōlī, quī ā māiōre parte suōrum probantur, sunt Narendra Mōdī Indus, Sanāē Takaīchī Iāpō, Lee Jae-Myung Corēānus Merīdiōnālis, et Javier Milei Argentīnus. Ā duābus quīntīs partibus suōrum probantur Donaldus Trump Americānus, Lula da Silva Brasiliānus, Geōrgia Melōnī Ītala. Nōn nisi ā tertiā parte suōrum probantur Frederīcus Merz Germānus, Recep Tayyip Erdogan Turca, Petrus Sanchez Hispānus. Maximē autem omnium improbantur Keir Starmer Britannus et Emmanuēl Macron Gallus. Glīscit rēs Americāna Ab Iūliō mēnse usque per Septembrem annōna tōtīus reīpūblicae quattuor partibus centēsimīs crēvit, quod incrēmentum tam cīvium spem quam doctōrum hominum exspectātiōnem superāvit. Scelera adeō pauciōra quam priōre annō patrantur, ut numerus raedārum hōc annō sublātārum quartā parte sit dēminūtus, et quīntā parte numerus dēminūtus sit interfectōrum. Pretia sortium in forō bursālī altiōra stant quam umquam anteā. Nigeria Diē Nātīvitātis, praeses Americānus nuntiāvit sē fēlīcem diem nātālem Christī Mahometānīs terrōristīs exoptāre, quī in Nigeriā stragem Christiānōrum fēcissent; nam eōdem diē, paulō ante praesidis nūntium, mīlitēs Americānī stragem eōrundem terrōristārum fēcerant. Petrus autem Hegseth, Americānus minister bellī, grātiās ēgit Nigeriānīs magistrātibus, quī permīsissent ut impetus fīeret. Ex eō tempore pergunt Nigeriānī contrā terroristās Mahometānōs pugnāre. Venetiola Tertiō diē mēnsis Iānuāriī, Nīcolāus Madūrō, illēgitimus tyrannus quī rempūblicam Venetiolānōrum ēverserat et cum Irāniānīs aliīsque mōliēbātur rempūblicam Americānam subvertere, in dīciōnem Americānōrum redactus est, ut reus fīeret. Incursiō, quā mīlitēs Americānī tyrannum cēpērunt, intrā paucās hōrās est absolūta, et omnēs Americānī reductī sunt integrī et incolumēs, quamquam triginta et duo Cūbānī, satellitēs tyrannī, sunt interfectī. Michāēl Diaz-Canel, quī hāc hebdomade tyrannus pergit esse Cūbānōrum, “Patria aut mors!” clāmāvit, et “Vincēmus.” Dīxit autem praeses Americānus aliīs novi orbis terrārum dūcibus principibusque cavendum esse, nē id, quod Madūrō accidisset, dēnuō alicui accideret alterī. Claudiae Scheinbaum, praesidī Mexicānōrum, posteā vīsum est triginta et septem narcoterroristās in dīciōnem Americānōrum reddere, quōs illī petīverant. Ex eō tempore Americānī nautae etiam coepērunt nāvēs petroleāriās capere, quibus interdictum petroleum vehēbātur ut lucrum variīs tyrannīs redderētur. Unam nāvem, ōlim “Bellam” deinde “Marinēram” nōmine, prope Islandiam Americānī intercēpērunt coram nāve subaquāneā Russicā, quæ tamen Americānīs nōn obstitit. Quinque nāvēs captae sunt, vidēlicet Skipper, Centuries, Marinera, Sophia, Olina sīve Minerva M. Cūba Praeses Americānus monuit nec petroleum nec pecūniam ā Venetiolā ad tyrannidem in Cūbā īnsulā sustinendam lātum īrī; melius fore Cūbānīs negōtium cum Americānīs agere dē suīs rēbus futūrīs. Novī enim magistrātūs Ventiolanī nunc cum Americānīs agunt, ut Americānī petroleum Venetiolānum emant, cūius lucrum ad Venetiolam restaurandam nōn sine moderātiōne Americānā ērogētur. Cūbāna autem dominātiō, quae sexāginta sex annōs populum nōn solum suum opprimit sed etiam Ventiolānum oppressit, et quae strenuē mōlītur rempūblicam Americānam subvertere, nihil petroleī accipiet. Sȳria Hōc mēnse Americānī ūndecimum impetum in Chalifātum Islāmicum lēge tāliōnis fēcērunt, postquam priōre mēnse trēs Ameriānī sunt ab ūnō terroristā interfectī. Petrus Hegseth, minister bellī, “Numquam,” inquit, “oblīvīscēmur, neque īra nostra umquam resīdet.” Magistrātūs Syriānī, quī in hāc rē cum Americānīs stant, quinque terroristās comprehendērunt. Vietnamia Tō Lam, secretārius generālis factiōnis quae communista verbōte
December 5, 2025
diē quīntō mēnsis Decembris
Vīs vīridis in caeruleōs illāta Diē Mercuriī prope Domum Albam Rahmanullah Lakanwal, vir Afghānus ūndētrīginta annōs nātus qūi Bellinghamiae in Vasintōniā cīvitāte habitābat, in duōs mīlitēs Americānōs impetum fēcit, quōrum alter, Andrēas Wolfe nōmine, vulnerātus est, altera, Sarah Beckstrom, interfecta. Lakanwal, quī illud “Allāhu acbar” exclāmāvit, vidētur impetum fēcisse terrōris prōmōvendī causā. Tertius mīlēs, custōdibus praefectus quī nōn procul erat sed brevī tantum pugiōne armātus erat, cohibuit quōminus Lakanwal aliōs vulnerāret. Quibus factīs praeses Americānōrum ferōciter prōpōnit, nē cui aliēnigenae liceat ē terrīs tertiī orbis in Americam immigrāre, atque ut illī, quī iam immigrāverint sed domesticam tranquilitātem ēvertere velint, expellantur; porrō ut subsidia beneficiaque aliēnīs concessa abrogentur. Ministerium rēbus externīs praepositum nūntiāvit nēminem Afghānum in fīnēs Americānōs receptum īrī. Dē rē Venetiolānā Magistrātūs Americānī referuntur esse parātī nova in illēgitimum tyrannum Venetiolānōrum temptāre, quōrum tamen nec tempus nec magnitūdō nūntiātur. Monētur tamen nē quod āeroplānum Venetiolam trānsvolet, quārē societātēs āeriae ā commeātū super terram Venetiolānōrum nunc abstinent. Diē Lūnae magistrātūs Americānī terrōristārum nōmine dēsignāvērunt cōniūrātōs latrōnēs, quī “syndicātum sōlis” vocitantur et cūius caput, Nicolāus Madūrō illēgitimus tyrannus, negat sē ēius caput esse. Etiam in Venetiolā terroristae quī sub nōmine Hezbollah coniūrātī sunt commerciō venēnī intersunt, quia tyrannus Venetiolānus foedus fēcit cum Irāniānīs, strenuīs auctōribus fautōribusque terrōris. Nunc autem magistrātūs Americānī et Qatarēnsēs Nīcolāum Madūrō hortantur ut tyrannidem dēpōnat et in luxuriōsum exilium, fortasse in Qatar, fūgiat. Tehrānum aquā carēns Praeses Irāniānōrum dīxit, tam ob nimium numerum incolārum quam quia aqua dēficeret, oportēre sēdem reīpūblicae Irāniānōrum tranferrī. Nam Tehrānum, caput Irāniānōrum, aquā adeō caret, ut etiam ante hiemem possit dērelinquī et dēsōlārī. Quindeciēns centēna mīlia hominum Tehrānī habitant, ubi magistrātūs, quippe quī terrōrem in aliēnīs terrīs prōmōvēre quam suōs cīvēs domī tuērī mālint, copiam aquae cīvibus suppeditandam neglegunt. Portōria dēminūta Praeses Americānus ēdīxit portōria, quae in carnem būbulam, caffēam, theobrōma ē Brasiliā in Americam importanda imposita erant, dēminuenda, id quod etiam dē aliīs cibīs importandīs fēcit, nē pretia nimis augērentur. Nam ē Brasiliā importātur tertia pars omnis caffēae, quam hauriunt Americānī. Pretium petroleī nunc valdē dēminuitur, ut minōra etiam erant pretia cibī, quem Americānī mēnse Novembre inter sollemnem supplicātiōnem cōnsumpsērunt. Pecūnia puerīs Americānīs dēstināta Ā praeside Americānō nova condita est ratiō, quā singulīs īnfantibus dābitur mille nummōrum in forō bursālī collocandum. Licēbit autem parentibus aliīsque cognātīs quīna mīlia singulīs annīs contribuere, ut pecūnia collocāta mīrum in modum cum dēcursū temporis crēscat, donec īnfans ad adultam aetātem perveniat. Ūnusquisque igitur cīvis Americānus pecūlium habēbit, quō vel studia acadēmica suscipiat vel domum sibi comparet liberīsque augeātur, vel ad alia māiora et futūra pecūniam sibi cōnservet. Somalia Centum ēlectī mīlitēs Americānī helicopterīs vectī et ducentī Puntlandiānī impetum fēcērunt in specūs montium Cal Miskaad dictōrum. Post quattuor hōrās nōn sōlum Syrī, Turcae, Aethiopēs inter terroristās interfectī sunt sed etiam Abdul Qadir Mumin, dux Calīphātūs Islamicī, occīsus esse putātur. Omnēs Americānī mīlitēs integrī incolumēsque sunt reductī. Puntlandiānī autem sperant ante fīnem annī omnēs terroristās ē suā terrā exterminātum īrī. Incertus stātus Guinēae Bissaviēnsis Suffrāgiīs populāribus in Guinēā Bissaviēnsī lātīs, mīlitēs subitō nūntiāvērunt sē summam potestātem cēpisse et rem pūblicam ē
44 total episodes available
Similar Podcasts
Discover related shows you might enjoy
Deep-dive analytics for Nuntii Latini
Frequently asked questions
Have a different question and can't find the answer you're looking for? Reach out to our support team by sending us an email and we'll get back to you as soon as we can.
- What is Nuntii Latini?
- How often does this podcast release new episodes?
This podcast updates weekly.
- Where can I listen to this podcast?
This podcast is available on 8 platforms including Apple Podcasts, Spotify, and more. You can also use the RSS feed directly.
- Does this podcast accept guests?
Yes, this podcast regularly features guests.
Legal Disclaimer
Pod Engine is not affiliated with, endorsed by, or officially connected with any of the podcasts displayed on this platform. We operate independently as a podcast discovery and analytics service.
All podcast artwork, thumbnails, and content displayed on this page are the property of their respective owners and are protected by applicable copyright laws. This includes, but is not limited to, podcast cover art, episode artwork, show descriptions, episode titles, transcripts, audio snippets, and any other content originating from the podcast creators or their licensors.
We display this content under fair use principles and/or implied license for the purpose of podcast discovery, information, and commentary. We make no claim of ownership over any podcast content, artwork, or related materials shown on this platform. All trademarks, service marks, and trade names are the property of their respective owners.
While we strive to ensure all content usage is properly authorized, if you are a rights holder and believe your content is being used inappropriately or without proper authorization, please contact us immediately at hey@podengine.ai for prompt review and appropriate action, which may include content removal or proper attribution.
By accessing and using this platform, you acknowledge and agree to respect all applicable copyright laws and intellectual property rights of content owners. Any unauthorized reproduction, distribution, or commercial use of the content displayed on this platform is strictly prohibited.