Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.
Umsjón: Halla Harðardóttir, Tómas Ævar Ólafsson og Pétur Eggertsson.
Bedroom Community 20 ára, Elías Rúni um Fyrsta skiptið, Míkadó/rýni, 27/rýni
Breiðholtið er kannski ekki fyrsti staðurinn sem fólki dettur í hug þegar hugað er að suðupotti íslenskrar tónlistar, en í Seljahverfi hefur um árabil verið rekið hljóðver, Gróðurhúsið, þar sem margir af fremstu tónlistarmönnum heims hafa komið og unnið að sinni tónlist, þar á meðal Björk, Sigur Rós, Damon Albarn, Brian Eno og Kanye West. Valgeir Sigurðsson, tónlistarmaður og upptökustjóri kom hljóðverinu á laggirnar í upphafi 21. aldar og út frá starfseminni spratt tónlistarútgáfan Bedroom Community. Útgáfan fagnar 20 ára starfsafmæli og Valgeir reifar sögu hennar í þætti dagsins.
Elías Rúni hefur um árabil starfað sem teiknari og myndlýsir og hlotið fjölda verðlauna og viðurkenninga fyrir. Í sinni nýjustu bók, sjálfsævisögulegu myndasögunni Fyrsta skiptið, er hann á mun persónulegri nótum en áður. Þar segir Elías söguna af því að koma út sem trans og lýsir sorginni og gleðinni sem sú umbreyting felur í sér. Elías er gestur Víðsjár undir lok þáttar.
Trausti Ólafsson rýnir í óperuna 27 og Gréta Sigríður Einarsdóttir rýnir í skáldsögu Gerðar Kristnýjar, Míkadó.
4 Nov 2026
Guðjón Ketilsson, Högni Egilsson og Straumur
Á einkasýningu Guðjóns Ketilssonar, Spor, í Ásmundarsal mætast fjórir verkhlutar sem ekki hafa verið sýndir áður; teikningar, hversdagslegir fundnir hlutir, olíukrítarteikningar og stækkuð fingraför. Sameiginlegur kjarni verkanna felst í því hvernig hugsun, nærvera og skynjun taka á sig sýnilega og efnislega mynd og skilja eftir sig ummerki. Við hittum Guðjón í Ásmundarsal í þætti dagsins.
Stórverkið ANOK eftir Högna Egilsson verður frumflutt í Hallgrímskirkju á föstudaginn. Verkið er samið fyrir kór, orgel og slagverk og sækir innblástur í apókrýf rit frumkristni, meðal annars textann Þrumuna: Fullkomnum hug og Tómasarguðspjall. Högni verður gestur okkar í hljóðstofu.
Íslenski dansflokkurinn frumsýndi síðastliðinn föstudag verkið Straum, sem samanstendur af fjórum verkum eftir ólíka höfunda. Trausti Ólafsson rýnir í flutninginn.
3 Nov 2026
Dauðadæmd, Natasha S., Varkár/rýni
„Mig langaði til að sýna fram á þá seiglu sem konur bjuggu yfir. Að elta draumana og tilfinningarnar. Láta ekki berja sig niður, þrátt fyrir allt,“ segir Guðný Hallgrímsdóttir sagnfræðingur sem gaf nýverið út bókina Dauðadæmd. Í bókinni rekur Guðný sögu Oddnýjar Jónsdóttur, vinnukonu úr Skagafirði sem var 1775 dæmd fyrir dulsmál. Refsingin var að hún skyldi hálshöggvast og höfuðið sett á stjaka. „Þegar ég opnaði dómabækurnar og dró upp allan þennan vitnisburð og mynd af sveitinni, þá varð þetta bara svo mögnuð saga, og þetta var svo magnað óréttlæti.“ Guðný verður gestur okkar í Víðsjá dagsins.
Og við heyrum fleiri kvennasögur því Natasha S. fjallar um þungbæra reynslu sína af heilbrigðiskerfinu hér á landi. Það var ekki fyrr en hún ferðaðist aftur til landsins sem hún flúði, Rússlands, sem á hana var hlustað og áralangir verkir hurfu. Og að lokum fjallar Gréta Sigríður Einarsdóttir um fyrstu skáldsögu Margrétar Bjarnadóttur, Varkár, sem byggir á reynslu höfundar af sárri þrá eftir barni.
Reach and audience
Public platform figures. Ratings count people who left a rating, not total listeners.
Apple Podcasts (US)
4.5 / 5
2 ratings
Spotify
5.0 / 5
4 ratings
Contact Víðsjá
Guest appearances
Books guests
Based on episode analysis; this does not confirm that the show is currently accepting guests.
Pod Engine is an independent podcast discovery and analytics service and is not affiliated with or endorsed by this podcast. Artwork and show content belong to their owners. Full legal notice.
Explore this show Podcast research with Pod Engine
